Bota

E RALLË! Shkrirja e akullnajës zvicerane zbulon alpinistin e zhdukur që nga viti 1986

ADN-ja zbuloi se trupi është i një alpinisti gjerman i cili ishte zhdukur 37 vjet më parë.

28 Korrik 2023, 17:27 Nga f.i

E RALLË! Shkrirja e akullnajës zvicerane zbulon alpinistin e zhdukur

pamje nga vendngjarja

ZVICËR- Mbetjet njerëzore të gjetura në një akullnajë afër Matterhorn-it të Zvicrës janë konfirmuar se janë trupi i një alpinisti gjerman i zhdukur që nga viti 1986, raporton BBC.

Trupi u zbulua në fillim të këtij muaji nga alpinistët që kalonin akullnajën Theodul mbi Zermatt. Ata vërejtën një çizme në akull.

ADN-ja zbuloi se trupi është i një alpinisti gjerman i cili ishte zhdukur 37 vjet më parë. Një operacion i madh shpëtimi atë kohë dështoi të gjente gjurmë të tij. Policia nuk e dha emrin e tij, por ka thënë se ishte 38 vjeç kur u zhduk gjatë ngjitjes.

Pothuajse çdo verë, akulli i shkrirë zbulon diçka ose dikë, të humbur për dekada. Vitin e kaluar rrënojat e një avioni që u rrëzua në 1968 dolën nga akullnaja Aletsch.

zvicer

Sondazh

Poll

MË SHUMË