Bota

Temperaturat ekstreme, SHBA-ja pritet të miratojë masat e reja për të 'luftuar' të nxehtin

Administrata Biden do të shpallë disa nisma të lidhura me nxehtësinë ekstreme.

27 Korrik 2023, 14:15 Nga a.l
Temperaturat ekstreme, SHBA-ja pritet të miratojë masat e reja
Foto ilustruese

SHBA- Shtëpia e Bardhë pritet të miratojë sot disa masa për të luftuar temperaturat në rritje.  Presidenti Joe Biden do të takohet me kryebashkiakun e Phoenix, Kate Gallego dhe kryetarin e bashkisë së San Antonio, Ron Nirenberg, pasi të dy qytetet janë përballur me një valë ekstreme të të nxehtit veror. Administrata Biden do të shpallë disa nisma të lidhura me nxehtësinë ekstreme, shkruajnë mediat e huaja. 

"Departamenti i Punës do të ofrojë informacion mbi atë që punëdhënësit mund dhe duhet të bëjnë tani për të mbrojtur punëtorët e tyre, të ndihmojë që punonjësit të jenë të vetëdijshëm për të drejtat e tyre, duke përfshirë mbrojtjen kundër hakmarrjes, dhe të theksojë hapat që është Administrata e Sigurisë dhe Shëndetit në Punë (OSHA) aktualisht duke marrë për të mbrojtur punëtorët”, tha Shtëpia e Bardhë. 

Të dhënat e qeverisë tregojnë se nxehtësia ekstreme ka shkaktuar mbi 400 vdekje midis punëtorëve nga viti 2011 deri në vitin 2021. Shtëpia e Bardhë planifikon të ndajë deri në 7 milionë dollarë për Administratën Kombëtare të Atmosferës Oqeanike. 

Të martën, hemisfera veriore arriti temperaturën mesatare më të nxehtë  të regjistruar nga NOAA. Zyrtarët thonë se ndryshimet klimatike të shkaktuara nga njerëzit kanë çuar në nxehtësi më ekstreme dhe situata parashikohet të përkeqësohet. 

shtepia e bardhe

Sondazh

Poll

MË SHUMË