Politike

Ramën nuk e takoi në Kosovë! Kurti pret në zyrë Benet Becin (FOTO)

Duket se Kurti po luan me një standart të dyfishtë, pasi kryeministrin e Shqipërisë Edi Rama nuk e takon

27 Korrik 2023, 08:43 Nga m.s
Ramën nuk e takoi në Kosovë! Kurti pret në zyrë Benet
Benet Beci dhe Albin Kurti

KOSOVË- Kryeministri i Kosovës, Albin Kurti, ka pritur në Prishtinë në një takim kreun e Bashkisë Shkodër, Benet Beci. Duket se Kurti po luan me një standart të dyfishtë, pasi kryeministrin e Shqipërisë Edi Rama nuk e takon. Ky takim ngre shumë pikëpyetje, dhe mund të jetë iniciuar nga kreu i qeverisë shqiptare Edi Rama, të cilin Albin Kurti nuk denjoi ta presë në Prishtinë dhe as nuk i erdhi në Tiranë kur ky e ftoi. Kujtojmë dhe se së fundmi Rama është shprehur i habitur që nuk është pritur në takim nga kryeministri i Kosovës, Albin Kurti. Ai ka thënë për mediat në Kosovë se ka provuar që të kishte komunikim me kreun e ekzekutivit kosovar, por ka qenë tejet e vështirë.

Benet Beci, me anë të një postimi në rrjetet sociale sqaron se në fokus të takimit ishte bashkëpunimi ndërmjet Shkodrës dhe Gjakovës dhe rifuqizimi i lidhjeve historike e kulturore ndërmjet dy qyteteve. Ndër të tjera kanë biseduar edhe për një projekt infrastrukturor rrugor që do të lidhë Shkodrën me Gjakovën, si një mundësi shumë e rëndësishme për zhvillimin e turizmit në këtë zonë.

Postimi i plotë

Pata kënaqësi të veçantë të takoja sot në zyrën e tij Kryeministrin e Republikës së Kosovës, z. Albin Kurti.

Rëndësia e bashkëpunimit ndërmjet qytetit të Shkodrës dhe Gjakovës dhe rifuqizimi i lidhjeve historike e kulturore ndërmjet dy qyteteve tona ishte në fokus të këtij takimi.

Biseduam edhe për një projekt infrastrukturor rrugor që do të lidhë Shkodrën me Gjakovën, si një mundësi shumë e rëndësishme për zhvillimin e turizmit në këtë zonë.

 

benet beci albin kurti

Sondazh

Poll

MË SHUMË