Sport

“Atje do të jem!”, Neymar beson se do të qëndrojë te PSG-ja edhe këtë sezon… (video)

Sulmuesi brazilian tha në një intervistë me një gazetar brazilian, se asgjë nuk i ishte njoftuar për një largim të mundshëm nga PSG këtë verë.

21 Korrik 2023, 09:30 Nga DOSJA
“Atje do të jem!”, Neymar beson se do të

FRANCE - “Shpresoj (të luaj këtë sezon) te PSG, kam një kontratë me Paris Saint-Germain dhe deri më tani askush nuk më ka thënë asgjë për një largim të mundshëm”,- tha Neymar (31) në një intervistë të transmetuar të mërkurën, në kanalin YouTube të gazetarit sportiv Casimiro Miguel. 

“Jam i qetë, edhe nëse nuk ka shumë dashuri mes tifozëve dhe lojtarit. Do të jem atje... me ose pa dashuri ”,- tha duke qeshur numri 10 brazilian gjatë një interviste të regjistruar më 22 qershor.

I mënjanuar, që nga shkurti pas një dëmtimi në kyçin e këmbës së djathtë, ai rifilloi stërvitjen me PSG javën e kaluar. “Është një dëmtim i bezdisshëm, është shumë i pakëndshëm. Procesi ishte shumë i dhimbshëm dhe është shumë i vështirë, por po kërkoj të rikthehem mirë... Natyrisht, fitorja është gjithmonë pjesë e objektivave, por dua të luaj sërish mirë, kjo është gjëja e parë”, tha ai.

Neymar ka siguruar gjithashtu se do të vazhdojë të luajë për ngjyrat e kombëtares braziliane, pasi la dyshime pas humbjes me penallti të Seleçao kundër Kroacisë në çerekfinale të Kupës së Botës 2022 në Katar. 

“Pas Kupës së Botës, nuk doja të (vazhdoja), jo për shkak të dhimbjes së humbjes, por për të parandaluar vuajtjen e familjes sime, peshon shumë. Por ata ende do të duhet ta durojnë këtë”,- shtoi ai duke qeshur. “E kam menduar sepse dua shumë të fitoj titullin e botës, të cilin Brazili nuk e ka fituar që nga viti 2002”,- shpjegoi Neymar.

B.T (Dosja.al)

Sondazh

Poll

MË SHUMË