Aktualitet

SPAK çon për ekspertim dy laptopa, telefona dhe USB-të e sekuestruara në shtëpitë e Ahmetajt

Prokurorët kanë shpresa se prej paisjeve kompjuterike të nxjerin të dhëna të dobishme që sjellin përparimin e hetimeve për sa i përket implikimit të ish-zv/kryeministrit Arben Ahmetaj dhe njerëzve të tij.

19 Korrik 2023, 17:48 Nga A.B
SPAK çon për ekspertim dy laptopa, telefona dhe USB-të e
Arben Ahmetaj

TIRANË- Prokuroria e Posaçme SPAK ka çuar sot për ekspertim kompjuterik aparatet telefonike, disa USB dhe dy kompjutera Laptop, të sekuestruar gjatë kontrollit të banesave të Ahmetaj dhe njerëzve të afërm të tij, raporton gazetari Elton Qyno për 'Oranews'.

Prokurorët kanë shpresa se prej paisjeve kompjuterike të nxjerin të dhëna të dobishme që sjellin përparimin e hetimeve për sa i përket implikimit të ish-zv/kryeministrit Arben Ahmetaj dhe njerëzve të tij.

Kjo formë ekspertimi solli sukses në hetime gjatë kontrollit kompjuterik të telefonit “Black Berry” të sekuestruar në muajin Mars 2023 në banesën e Ahmetaj dhe verifikimit të Lap-Topit të Klodian Zotos. Përmes këtyre dy paisjeve, SPAK depërtoi në komunikimet private të tre njerëzve kryesorë të inceneratorëve të Elbasanit, Fierit dhe Tiranës, siç janë Arben Ahmetaj, Mirel Mërtiri dhe Klodian Zoto.

Prokurorët Altin Dumani dhe Enkelejda Millonai, kanë urdhëruar ekspertët e laboratorit shkencor të kryejnë kontrollin e imtëishëm të paisjeve kompjuterike. Hetimi për Ahmetaj tashmë është duke i kryer nga SPAK, jo vetë për sa i përket provimit të akuzave, por edhe për identifikimin dhe sekuestrimin e pasurive të Ahmetaj dhe të afërmve të tij.

Deri në këtë fazë të hetimit, është urdhëruar vendosja e sekuestros preventive mbi 6 pasuritë e përmendura paraprakisht nga SPAK në relacionin e Këshillit të Mandateve. Midis tyre katër apartamente si dhe dy llogari bankare të Arben Ahmetaj në shumën e 124 300 mijë euro.

arben ahmetaj

Sondazh

Poll

Aktualitet 19 Korrik 2023, 16:54 A.B

Si ndodh dhe çfarë është asfiksimi?

Ambulance TIRANË-Asfiksia është një nga shkaqet e vdekjeve që po ndodhin në botë. Së fundmi, në Babrru një...

MË SHUMË