Sport

Lajm i rëndë për mbrojtësin e Chelseat, ai nuk do të luajë në 2023!...

Uesli Fofana është operuar për këputje të ligamenteve të kryqëzuara

18 Korrik 2023, 18:16 Nga DOSJA
Lajm i rëndë për mbrojtësin e Chelseat, ai nuk do të

ANGLI - Qendërmbrojtësi i Chelseat, Wesley Fofana, ka pësuar një dëmtim të rëndë, këputje të ligamenteve të kryqëzuara, njoftoi klubi anglez i futbollit.

22-vjeçari francez tashmë i është nënshtruar një operacioni dhe po fillon procesin e ngadaltë të rikuperimit. Chelsea nuk tha se kur lojtari do të kthehet në fushë, por është e qartë se ai nuk do të luajë në vitin 2023, madje mund të jetë jashtë fushës së blertë edhe për të gjithë sezonin e ardhshëm 2023/24.

Fofana nuk ka udhëtuar me bashkëlojtarët e tij për në Shtetet e Bashkuara të Amerikës, ku Chelsea do të zhvillojë turin veror. Mbrojtësi i ri francez iu bashkua Chelseat në fund të gushtit 2022, pasi ‘Blutë’ paguan 80 milionë euro për Leicesterin dhe pritshmëritë për mbrojtësin ishin të larta.

Në sezonin e tij të parë në “Stamford Bridge”, Uesli Fofana bëri 20 paraqitje në të gjitha garat, duke shënuar dy gola. Së fundmi, ai ka debutuar edhe për kombëtaren franceze të meshkujve.

B.T (Dosja.al)

Sondazh

Poll

MË SHUMË