Bota

Pezullimi i marrëveshjes së grurit nga Rusia/ Von der Leyen: Lëvizje cinike

Rusia tha se kishte ndërprerë pjesëmarrjen në një marrëveshje historike të ndërmjetësuar nga OKB-ja, e cila lejonte eksportimin e grurit ukrainas përmes Detit të Zi, vetëm disa orë pasi Moska tha se Ukraina kishte sulmuar Urën e Krimesë.

17 Korrik 2023, 15:48 Nga a.l
Pezullimi i marrëveshjes së grurit nga Rusia/ Von der Leyen:
Ursula Von der Leyen

Presidentja e Komisionit Evropian Ursula von der Leyen e quan vendimin e Rusisë për të pezulluar një marrëveshje të eksportit të grurit në Detin e Zi një "lëvizje cinike", duke shtuar se BE do të vazhdojë të punojë drejt garantimit të sigurisë ushqimore për vendet e varfra, shkruan Reuters. 

“Unë dënoj fuqishëm lëvizjen cinike të Rusisë për t’i dhënë fund Iniciativës së Grurit të Detit të Zi, pavarësisht përpjekjeve të OKB-së dhe Turqisë. BE-ja po punon për të garantuar sigurinë ushqimore për shtresat vulnerabël të botës. Nisma e Komisionit Solidarity Lanes do të vazhdojë të transportojë produkte agro-ushqimore nga Ukraina në tregjet globale,” tha Von der Leyen në një postim.

Rusia tha se kishte ndërprerë pjesëmarrjen në një marrëveshje historike të ndërmjetësuar nga OKB-ja, e cila lejonte eksportimin e grurit ukrainas përmes Detit të Zi, vetëm disa orë pasi Moska tha se Ukraina kishte sulmuar Urën e Krimesë. Çmimet për drithërat dhe farat vajore tashmë janë rritur si përgjigje ndaj lajmeve se Rusia do të pezullojë pjesëmarrjen e saj në marrëveshje. 

ursula von der leyen

Sondazh

Poll