Aktualitet

Sherr për parakalimin e gabuar/ I riu shkon e merr kallashin në shtëpi, ndërhyn Policia

Nën hetim janë vënë katër persona të tjerë pasi kanë tentuar të fshehin armën e 28-vjeçarit.

17 Korrik 2023, 13:06 Nga k.m.

Sherr për parakalimin e gabuar/ I riu shkon e merr kallashin në

VAU I DEJËS- Një 28-vjeçar, i identifikuar si Mark Preka është shpallur në kërkim nga Policia e Shkodrës, pasi ka kërcënuar me kallash drejtuesin e një makinë. E gjitha pas një parakalimi të gabuar. Nën hetim janë vënë katër persona të tjerë pasi kanë tentuar të fshehin armën e 28-vjeçarit.

NJOFTIMI I PLOTË:

Vau i Dejës

Shpallet në kërkim për armëmbajtje pa leje, shtetasi M. P., dhe punohet për kapjen e tij.

Sekuestrohet në cilësinë e provës materiale arma e zjarrit tip automatik.

Pas një konflikti të çastit për parakalim të gabuar me automjet, midis shtetasve M. P., 28 vjeç dhe A. Gj., 23 vjeç, shtetasi M. P. është larguar dhe ka marrë armën e zjarrit tip automatik që mbante me vete.

Ndërhyrja e menjëhershme e shërbimeve të Komisariatit të Policisë Vau i Dejës ka parandaluar përshkallëzimin e konfliktit midis këtyre dy shtetasve. Gjatë ndjekjes nga Policia, shtetasi M. P. ka hedhur armën e zjarrit dhe është larguar.

Në vijim të veprimeve procedurale për këtë rast, ka nisur procedimi në gjendje të lirë, për veprën penale “Moskallëzimi i krimit”, për shtetasit A. H., 21 vjeç, K. Sh., 19 vjeç, R. H., 30 vjeç dhe Xh. H., 25 vjeç, të gjithë banues në fshatin Barbullush, Vau i Dejës, pasi kanë tentuar të fshehin armën e zjarrit që mbante shtetasi M. P. Vijon puna për kapjen e shtetasit M. P. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

vau i dejes mark preka

Sondazh

Poll

MË SHUMË