Sport

VIDEO/ Pas përmbytjes, më në fund prezantohet ylli Leo Messi… te Inter Miami

Bashkë me “Pleshtin” prezantohet edhe ish-kapiteni i katalanasve Sergio Busquet

17 Korrik 2023, 11:20 Nga DOSJA

VIDEO/ Pas përmbytjes, më në fund prezantohet ylli Leo

SHBA - Pas njëfarë vonese për shkak të një përmbytjeje në Fort Lauderdale, që prishi shumëçka nga ceremonia e programuar, Lionel Messi më në fund u prezantua si lojtar i Inter Miami. Bashkë me të, po ashtu edhe Sergio Busquets.

Klubi amerikan përgatiti një ngjarje të tërë në skenë, me interpretime nga artistë të ndryshëm të Amerikës Latine dhe filloi fjalimet nga pronarët e klubit, përfshirë David Beckham, duke i uruar mirëseardhjen argjentinasit.

“Jam shumë i lumtur që jam këtu në Miami, për të falënderuar David (Beckham), familjen e tij dhe fansat. Njerëzit kanë qenë të mrekullueshëm për mua që kur mbërritëm. Dua të filloj stërvitjet, të garoj, ta bëj klubin të fitojë dhe të vazhdoj të rritet, - tha Lionel Messi në spanjisht para rreth 18 mijë shikuesve që mbushën stadiumin DRV PNK.

VIDEO/ Pas përmbytjes, më në fund prezantohet ylli Leo

Pak ditë më parë në Florida, Messi tashmë është trajnuar me skuadrën dhe është gati të debutojë, si Busquets, në Kupën e Ligës, kundër Cruz Azul të Meksikës, të premten. 

VIDEO/ Pas përmbytjes, më në fund prezantohet ylli Leo

Argjentinasi do të zërë pozicionin e 'Lojtarit të Përcaktuar', me pagë mbi tavanin e lejuar nga MLS.

Inter Miami është i 15-ti dhe i fundit në Konferencën Lindore dhe do të duhet të punojë shumë për të arritur në vendin e 9-të për të provuar të kalojë në play-off.  Inter është 12 pikë larg atij vendi.

B.T (Dosja.al)

Sondazh

Poll

MË SHUMË