Aktualitet

Finalizohet megaoperacioni "Imazhi"/ Asgjësohen 1061 rrënjë kanabisi në Lezhë, policia në kërkim të autorëve

Asgjësohen nëpërmjet djegies në total 1844 bimë narkotike cannabis sativa që u gjetën të kultivuara në zona të ndryshme të qarkut.

17 Korrik 2023, 10:33 Nga f.i
Finalizohet megaoperacioni "Imazhi"/ Asgjësohen 1061
pamje nga vendngjarja

LEZHË- Në fazën e 26-të të megaoperacionit policor të koduar “Imazhi”, është bërë e mundur asgjësimi përmes djegies i 1844 bimë narkotike kanabis sativa që u gjetën të kultivuara në zona të ndryshme të qarkut.

Shërbime të Komisariateve të Policisë Lezhë, Mirditë e Kurbin, të pajisura me dronë, kanë vijuar kontrollet në zona të pyllëzuara të qarkut, me qëllim parandalimin, konstatimin dhe goditjen e kultivimit të bimëve narkotike.

-Në rrethin Lezhë, janë gjetur në total 1061 bimë të dyshuara narkotike cannabis sativa, të kultivuara në 2 njësi administrative, konkretisht 593 bimë u gjetën në fshatin Troshan të njësisë administrative Blinisht, ndërsa 468 bimë u gjetën në fshatrat Fregen dhe Rras i Butë të njësisë administrative Ungrej;

-Në rrethin Kurbin u gjetën të kultivuara në total 412 bimë narkotike të dyshuara cannabis sativa, konkretisht 380 bimë u gjetën në fshatin Alk të njësisë administrative Fushë Kuqe, ndërsa 32 bimë u gjetën në fshatin Shkopet të njësisë administrative Milot. Gjithashtu, në rrethin Mirditë, në njësinë administrative Kaçinar, në fshatin Shëngjergj, u gjetën të kultivuara 371 bimë të dyshuara narkotike cannabis sativa.

Bimët narkotike, pas kryerjes së veprimeve procedurale, u asgjësuan nëpërmjet djegies. Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale. Materialet procedurale i kaluan Prokurorisë, për veprime të mëtejshme.

operacion ne lezhe

Sondazh

Poll

MË SHUMË