Bota

Gjenerali amerikan: SHBA duhet të përshpejtojë dërgimin e armëve në Tajvan

Gjenerali Milley tha se Tajvani kishte nevojë për armë si sistemet e mbrojtjes ajrore dhe ato që mund të synonin anijet nga toka.

14 Korrik 2023, 12:23 Nga a.l
Gjenerali amerikan: SHBA duhet të përshpejtojë dërgimin e
Mark Milley

SHBA- Gjenerali i lartë amerikan, Mark Milley deklaron se SHBA dhe aleatët e saj duhet të përshpejtojnë dërgimin e armëve në Tajvan në vitet e ardhshme për të ndihmuar ishullin të mbrohet.  Shtetet e Bashkuara janë furnizuesi më i rëndësishëm i armëve në Tajvan.

Kina ka kërkuar në mënyrë të përsëritur që shitja e armëve amerikane në Tajvan të ndalet, duke i parë ato si mbështetje të pajustifikuar për ishullin që Pekini e konsideron si një provincë renegat për t'u ribashkuar, me forcë nëse është e nevojshme, shkruajnë mediat e huaja.  

"Shpejtësia me të cilën ne, Shtetet e Bashkuara ose vende të tjera ndihmojmë Tajvanin në përmirësimin e aftësive (të tyre) mbrojtëse - mendoj se kjo ndoshta duhet të përshpejtohet në vitet në vijim," gjenerali i ushtrisë amerikane Mark Milley, kryetar i Shefave të Përbashkët. 

Gjenerali Milley tha se Tajvani kishte nevojë për armë si sistemet e mbrojtjes ajrore dhe ato që mund të synonin anijet nga toka.

"Unë mendoj se është e rëndësishme që ushtria e Tajvanit dhe aftësitë e saj mbrojtëse të përmirësohen," tha ai. 

Tajvani që nga viti 2022 është ankuar për vonesa në dërgesat e armëve amerikane, të tilla si raketat anti-ajrore Stinger, pasi prodhuesit i kthyen furnizimet Ukrainës ndërsa ajo lufton forcat pushtuese ruse. Çështja ka shqetësuar disa ligjvënës amerikanë.

mark milley

Sondazh

Poll

MË SHUMË