Politike

Sot seanca e posacme për arrestimin e Ahmetajt, Edi Rama mbërrin në parlament

Rama sapo ka mbërritur në ambientet e Parlamentit, e ende nuk dihet nëse do mbajë një fjalim në sallë. 

14 Korrik 2023, 09:59 Nga A.B
Sot seanca e posacme për arrestimin e Ahmetajt, Edi Rama mbërrin
Edi Rama

TIRANË- Kryeministri Edi Rama do të jetë i pranishëm ditën e sotme në Kuvend, aty ku pritet që të miratohet kërkesa e SPAK për arrestimin e Arben Ahmetajt.

Ai sapo ka mbërritur në ambientet e Parlamentit, e ende nuk dihet nëse do mbajë një fjalim në sallë. 

Kuvendi i Shqipërisë do të votojë sot në një seancë të jashtëzakonshme kërkesën e Prokurorisë së Posaçme për arrestimin e ish-zv.kryeministrit Arben Ahmetaj. Mazhoranca kërkonte që ky votim të bëhej ditën e hënë pas miratimit dhe të raporteve në Këshillin e Mandateve, por pas debateve të ashpra në sallën e Kuvendit, u la që kërkesa për arrestimin dhe kontrollin në banesën e Ahmetajt të lihej për të premten.

Si mazhoranca ashtu edhe opozita kishin dhënë dakordësinë në Këshillin e Mandateve për të miratuar kërkesën e SPAK, por ndaheshin vetëm në çështjen e ditës kur ajo do të votohej, një lëvizje kjo, që sipas pakicës po bëhej për t’i dhënë kohë Ahmetaj që të rregullonte provat./Dosja.al

edi rama seanca per arben ahmetajn

Sondazh

Poll

MË SHUMË