Bota

Të shqetësuar nga kërkesat e vazhdueshme të Kievit për armë, 'acarohet' sekretari britanik i Mbrojtjes: Ne s'jemi Amazon

Ben Wallace u bën thirrje ukrainasve që të tregojnë më shumë 'mirënjohje' ndaj aleatëve të tyre

12 Korrik 2023, 20:01 Nga k.m.
Të shqetësuar nga kërkesat e vazhdueshme të Kievit për
Foto ilustruese

BRITANI E MADHE- Sekretari britanik i Mbrojtjes Ben Wallace i ka kthyer sot përgjigje Ukrainës që kërkon gjithmonë e më shumë municione për të luftuar Rusinë. Sot, Wallca tha se Mbretëria e Bashkuar "nuk është Amazon" kur bëhet fjalë për furnizimin me armë në Ukrainë, duke sugjeruar që Kievi të tregojë më shumë "mirënjohje" për aleatët e tij.

“Nëse na pëlqen apo jo, njerëzit duan të shohin mirënjohje,”- tha Wallace për mediat britanike nga samiti i NATO-s në Vilnius. 

Sipas mediave britanike, Wallace shprehu gjithashtu shqetësimin e tij kur, në një vizitë në Ukrainë vitin e kaluar, atij iu dha një "listë e armëve" që i duhen Kievit.

"E dini, ne nuk jemi Amazon. Ua thashë vitin e kaluar, kur udhëtoja 11 orë që të më jepnin një listë,”- theksoi ai.

Por cilat vende po japin më shumë ndihmë Ukrainës?

Për vitin 2022, Shtëpia e Bardhë thotë se SHBA-ja ka dhënë 6.3 miliardë dollarë (5.2 miliardë £) ndihmë për sigurinë për Ukrainën që kur presidenti Joe Biden mori detyrën në janar 2021.

Mbretëria e Bashkuar thotë se ka siguruar 1.6 miliardë dollarë (1.3 miliardë paund), me 1.2 miliardë dollarë të tjerë (1 miliardë £) pajisje ushtarake, që nga fillimi i luftës. Edhe Shqipëria i ka dhënë 1 milion euro qeverisë ukrainase.

lufta ukraine-rusi

Sondazh

Poll