Sport

Kampionët e Parisit shtojnë radhët edhe me mesfushorin Cher Ndour, një yll në rritje...

Mesfushori italian nënshkroi për pesë sezone

12 Korrik 2023, 17:29 Nga DOSJA

Kampionët e Parisit shtojnë radhët edhe me mesfushorin Cher

FRANCE - Futbollisti italian Cher Ndour ka nënshkruar për pesë sezone me PSG-në, njoftuan këtë të mërkurë kampionët e Francës, të cilët marrin ndërkombëtarin U-19 pas një përvoje tre sezonesh te Benfica. 

Largimi i mesfushorit 18-vjeçar, një prej lojtarëve që fitoi UEFA Youth League dhe finalen Interkontinentale, tashmë ishte i njohur, pasi lojtari i tha lamtumirë klubit në qershor.

“Kanë qenë tre vite rritje dhe mësim që do të shënohen përgjithmonë në karrierën dhe jetën time. Gjithmonë kam dhënë gjithçka për këtë fanelë, deri në sekondën e fundit”, ka shkruar lojtari në rrjetet sociale.

Te PSG-ja, e cila nga ky sezon do të ketë për trajner spanjolin Luis Enrique, Ndour do të ketë fanelën me numrin 27.

Kampionët e Parisit shtojnë radhët edhe me mesfushorin Cher

“Jam shumë i emocionuar, është një përzierje emocionesh, por mbi të gjitha lumturi, sepse Paris Saint-Germain është një nga klubet më të mira në botë, me shumë kampionë dhe është nder të jesh pjesë e kësaj familjeje”,- tha lojtari i ri, i cituar nga klubi.

Mesfushori, i cili ndodhet në Maltë, në Kampionatin Evropian U-19, para ndeshjes gjysmëfinale të së enjtes kundër Spanjës, kaloi tre sezone në Portugali, ku mbërriti si junior, pasi përfaqësoi Atalantën në ekipin e të rinjve.

Te Benfica, Ndour fitoi edhe kampionatin e të rinjve dhe u bë kampion kombëtar për seniorët sezonin e kaluar, kur u përdor në momentet e fundit të humbjes ndaj V. Guimarães (5-1), në javën e 25-të të Ligës së Parë.

B.T (Dosja.al)

Sondazh

Poll

MË SHUMË