Bota

'Po kërkojnë një arsye për të na fajësuar ne'/ Vuçiç ironizon dakordësinë BE-Kosovë: Shtensionim do të thotë 25% tërheqje?

Vuçiç ka ironizuar dakordësinë BE-Kosovë duke u shprehur se ky hap nuk mjafton që tensionet mes dy vendeve të ulen. 

12 Korrik 2023, 11:43 Nga a.l
'Po kërkojnë një arsye për të na fajësuar
Aleksandër Vuçiç

SERBI- Presidenti i Serbisë, Aleksandër Vuçiç ka reaguar lidhur me marrëveshjen e arritur më 10 korrik ndërmjet Bashkimit Evropian dhe Kosovës, rreth hapave për shtensionimin e situatës në Veri. Vuçiç ka ironizuar dakordësinë BE-Kosovë duke u shprehur se ky hap nuk mjafton që tensionet mes dy vendeve të ulen. 

"Tani do të shihni një truk tjetër që disa njerëz nga Perëndimi po përpiqen ta zbatojnë. Dhe kjo nënkupton [që ata do të thonë] - kthehuni dhe flisni normalisht”, tha Vuçiç duke shtuar se mënyra që kërkohet për shtensionimin e veriut, është e pakuptimtë për të.

“Shtensionimi është kur tërheqin 25 për qind të diçkaje? Një Zot e di se çfarë do të thotë kjo, por ata po kërkojnë një arsye të mjaftueshme për të fajësuar Serbinë”, tha Vuçiç, duke iu referuar vendimit të Qeverisë së Kosovës për të zvogëluar praninë policore në veri të vendit. 

Në bazë të një marrëveshjeje të arritur të hënën ndërmjet zëvendëskryeministrit të Kosovës, Besnik Bislimi dhe emisarit të BE-së, Miroslav Lajçak, situata në Veri të vendit parashikohet të shtensionohet brenda dy javësh. 

tensione në veri të kosovës aleksander vucic

Sondazh

Poll

MË SHUMË