Politike

Bardhi pyet Dumanin a po hetohen Rama dhe Veliaj? Kreu i SPAK nuk përgjigjet: Sekret hetimor

Mbledhja ka mbizotëruar nga debatet dhe diskutimet e shumta, ndërsa disa pyete që iu janë bërë përfaqësuesve të SPAK-ut në mbledhje, kanë mbetur jetime.   

11 Korrik 2023, 22:24 Nga I.A
Bardhi pyet Dumanin a po hetohen Rama dhe Veliaj? Kreu i SPAK nuk
Foto Ilustruese

TIRANË- Mbledhja e Këshillit të Mandateve ditën e sotme për të diskutuar heqjen e imunitetit të deputetit Arben Ahmetaj ka zgjatur 4 orë. Mbledhja përfundoi ditën e sotme, pa asnjë vendim, ndërkohë që do të vazhdojë ditën e nesërme sërish. Mbledhja ka mbizotëruar nga debatet dhe diskutimet e shumta, ndërsa disa pyete që iu janë bërë përfaqësuesve të SPAK-ut në mbledhje, kanë mbetur jetime.   

Vetë deputeti demokrat Gazment Bardhi ka bërë disa pyetje, të cilat janë lënë pa përgjigje nga kreu i SPAK Altin Dumani. Bardhi ka pyetur nëse po hetohen kryeministri Edi Rama dhe kryebashkiaku i Tiranës, Erion Veliaj për aferën e inceneratorëve si dhe nëse ka persona VIP-a të tjerë të përfshirë në çështje. Por për këto pyetje dhe disa të tjera Dumani bashkë me përfaqësuesit e SPAK kanë refuzuar tu përgjigjen, duke u justifikuar se nuk mund të publikojnë të dhëna për shkak të ruajtjes së sekretit hetimor.

Pyetjet e Bardhit:

1. Vila ne Palasë a ka lidhje me aferën e Unazës së Madhe?

2.Pse është ndarë çështja? A është bërë veçimi i çështjeve që këta individë të mos hetohen si një grup i strukturuar kriminal?

3. A po hetohet Erjon Veliaj për inceneratorin e Tiranës?

4. A ka fuqi Arben Ahmetaj ti bëjë këto veprime pa pushtetin e Edi Ramës. A po hetohet Edi Rama?

5. A ka VIP të tjerë dosja?

Prokuroria e Posaçme kundër korrupsionit në Shqipëri (SPAK) dorëzoi një ditë më parë në Kuvendin e Shqipërisë kërkesën për dhënien e autorizimit për arrestimin e ish-ministrit të Financave dhe deputetit aktual të Partisë Socialiste, Arben Ahmetaj. Kërkesa mban datën 7 korrik dhe nënshkrimin e drejtuesit të SPAK, Altin Dumani. SPAK thekson se kërkon autorizim nga Kuvendi i Shqipërisë, për arrestimin ose heqjen e lirisë dhe ushtrimin e kontrollit personal dhe të banesës së deputetit. Arben Ahmetaj akuzohet për “Mosdeklarim apo fshehje të pasurive”, “Korrupsion pasiv” si dhe “Pastrim parash”./Dosja.al

gazment bardhi altin dumani arben ahmetaj arben ahmetaj ne spak

Sondazh

Poll