Sport

Ende pa nisur, tifozët e Paris Saint-Germain kërcënojnë një blerje të re...

Luca Hernandez nuk do të jetë i qetë në “Parc des Princes”, tifozët nuk e duan

11 Korrik 2023, 09:00 Nga DOSJA
Ende pa nisur, tifozët e Paris Saint-Germain kërcënojnë

FRANCE - Futbollisti i ri i Paris Saint-Germain, Luca Hernandez është kërcënuar nga tifozët e skuadrës se nuk do të jetë i mirëpritur në “Parc des Princes”. 

Arsyeja për këtë është se Luca është nga Marseja dhe babai i tij luante për ekipin e Marsejës, që siç dihet janë rivalët më të mëdhenj të parizienëve. Derbi mes PSG-së dhe Marsejës pothuajse gjithmonë çon në teprime si brenda dhe jashtë fushës.

“Nuk je i mirëpritur këtu dhe do ta themi”,- thuhet në kërcënimin e ultrasve të PSG-së.

Hernandez i kushtoi shumë kohë drejtuesve të PSG-së, për shkak të negociatave të vështira me Bayernin dhe shumë para. Ai u ble nga bavarezët për 45 milionë euro, edhe pse po hynte në vitin e fundit të kontratës. Pavarësisht përpjekjeve të pabesueshme të bordit për të forcuar ekipin dhe për të nisur një projekt të ri fitimprurës, megjithatë tifozët janë sërish të pakënaqur.

Tifozët e PSG-së nuk janë vetëm të ashpër ndaj Hernandez, që është problemi më i madh për ekipin. Ata nuk ishin të kënaqur edhe me Lionel Messin dhe tani me Neymar. Ky qëndrim i tyre ndaj lojtarëve të ekipit të parë ndikon shumë në performancën e ekipit. 

Arsyeja për këtë është se lojtarët janë vazhdimisht nën stres shtesë dhe nuk marrin mbështetjen e duhur as nga tifozët e tyre. Ishte kjo situatë që bëri që Lionel Messi të ndryshonte ambientin e ndezur në Francë për atë të qetë në Miami.

B.T (Dosja.al)

Sondazh

Poll

MË SHUMË