Sport

E RRALLE! Dingley, trajnerja e parë femër në historinë e futbollit anglez të meshkujve: “Është një moment shumë emocionues”...

Hannah Dingley do të zëvendësojë Duncan Ferguson në këtë rol në skuadrën Forest Green Rovers

8 Korrik 2023, 17:56 Nga DOSJA

E RRALLE! Dingley, trajnerja e parë femër në historinë e

ANGLI - Forest Green Rovers, skuadër e Ligës së Dytë angleze, ka nënshkruar me  trajneren e parë femër, në historinë e futbollit anglez. Kjo është Hannah Dingley, e cila më parë kishte punuar në akademinë e të rinjve të klubit në jugperëndim të Anglisë, i konsideruar i vetmi klub vegan në Angli.

“Kjo është një kohë shumë emocionuese në futboll dhe unë jam i kënaqur dhe mirënjohëse për mundësinë që të jem në këtë rol dhe të drejtoj një klub kaq modern”.  Këto ishin fjalët e Hannah Dingley, pas njoftimit të klubit. Trajnerja, përveç kësaj, është tashmë gruaja e parë në historinë e Anglisë, që drejtonte një skuadër meshkujsh të rritur.

Nga klubi e kishin të qartë se e zgjedhura duhet të ishte ajo: “Hannah ishte zgjedhja e natyrshme për ne, sepse ajo ka bërë një punë fantastike duke drejtuar akademinë tonë dhe është shumë në përputhje me vlerat e klubit”,- tha Dale Vince, pronar i Forest Green Rovers që nga viti 2010.

Përveç kësaj, presidenti foli për ndikimin që mund të ketë ky nënshkrim në të ardhmen: “Kjo përzgjedhje i dërgon edhe një mesazh sportit, që ky emërim bëhet në bazë të meritës dhe se ai shënon një epokë të re,”- përfundoi ai.

B.T (Dosja.al)

Sondazh

Poll

MË SHUMË