Sport

'Lista e zezë' e PSG-së është përcaktuar… 12 lojtarë janë me valixhe në duar!

Parizienët duhet të shesin për t'u lënë vend nënshkrimeve të reja, që do të ndodhin ditët e fundit

8 Korrik 2023, 17:35 Nga DOSJA

FRANCE - Ndërkohë që telenovela e Mbappe vazhdon të shkundë ditë pas dite kampin parizien, me deklarata të kryqëzuara, rrjedhje nga të gjitha palët e përfshira në një vorbull lajmesh, PSG përgatit skuadrën e saj për sezonin e ardhshëm, me të panjohurën e së ardhmes së yllit të saj të madh.

Tashmë me Luis Enrique në timon, francezët janë në proces rinovimi. Të njëjtën javë ata kanë njoftuar nënshkrimet e Skriniar, Ugarte dhe Marco Asensio. Për më tepër, ardhjet e Lucas Hernández, Ndour dhe Kang-in Lee praktikisht merren si të mirëqenë.

Megjithatë, ata nga kryeqyteti francez duhet të heqin qafe futbollistët për t'u lënë vend të gjitha ardhjeve të pritshme në skuadër. Siç raporton “L'Equipe”, Luis Campos dorë për dore me trajnerin asturian, do të njoftojë para kësaj të hëne 12 futbollistë që nuk do t’i kenë për sezonin e ardhshëm, në mënyrë që të kenë kohë për të gjetur një rrugëdalje. Objektivi është i qartë: të mos jenë me ekipin në turneun e Japonisë më 22 korrik.

Për tetë lojtarëve të parë në këtë listë, problemi kryesor për largimin e tyre do të jenë pagat e larta. Ofertat nuk do të mungojnë, por kërkesat ekonomike të lojtarëve do t'i detyrojnë 'kërkuesit' e tyre të bëjnë një përpjekje të madhe ekonomike.

Në rastin e Keylor, Icardi, Wijnaldum, Kurzawa, Paredes dhe Dagba, ishin të huazuar për sezonin. Sidomos problematike është kontrata e portierit kostarikan. Keylor e ka bërë të qartë synimin e tij për të luftuar për titullin, pas kohës së tij në Nottingham Forest.

Megjithatë, Luis Enrique nuk dëshiron debate në portë dhe preferon largimin e ish-portierit të Real Madridit, pavarësisht se i ka mbetur vetëm një vit nga kontrata e tij. Rreth 7 milionë euro në vit për një lojtar 36-vjeçar është pengesë.

Draxler, Icardi, Bernat, Paredes dhe Kurzawa po përjetojnë situata të ngjashme. Futbollistët veteranë, janë lojtarë që mund të sjellin përvojë në çdo ekip që bashkohen. Për mesfushorin argjentinas janë interesuar skuadra si Atlético Madrid apo Lazio. Ai është lojtari me më shumë poster nga të gjithë.

Rasti Ekitike është më i habitshmi nga të gjithë. Francezi mbërriti sezonin e kaluar, i mbështetur nga Mbappe, si një nga ato nënshkrimet e kërkuara nga ylli, por ai ka pasur një sezon zhgënjyes. Ekipet gjermane si Eintracht Frankfurt janë interesuar për 21-vjeçarin edhe pse largimi i mundshëm i mentorit të tij dhe mungesa e sulmuesve mund të hapë një boshllëk për të.

'Lista e zezë' e PSG-së është