Art&Argëtim

Rita Ora flet për mentalitetin shqiptar: Ne ngrihemi, nuk dorëzohemi

Rita nuk e fsheh që mbetet shumë e lidhur me prindërit e saj.

8 Korrik 2023, 09:14 Nga k.m.
Rita Ora flet për mentalitetin shqiptar: Ne ngrihemi, nuk dorëzohemi
Rita Ora

BRITANI E MADHE- Këngëtarja shqiptare me famë botërore, Rita Ora, ka folur së fundmi në një intervistë për "The Telegraph", për albumin e saj më të ri në ardhje, si dhe për sfidat që e kanë përshkruar në rrugën drejt suksesit. Por po ashtu ka folur edhe për shumë detaje të tjera, përfshirë edhe të kaluarën e saj. 

Rita nuk e fsheh që mbetet shumë e lidhur me prindërit e saj.

“Kishte thjesht dashuri dhe qëndrueshmëri në shtëpinë tonë. E gjitha kishte të bënte me të qenit i sjellshëm, i respektueshëm dhe punën,”-thotë ajo.

Ajo është krenare për trashëgiminë e saj. E lindur Rita Sahatçiu në Prishtinë, në vitin 1990, ajo u soll në Mbretërinë e Bashkuar si refugjate, duke u vendosur të jetontenë një dhomë, në perëndim të Londrës. Babai i saj musliman ishte një mësues që e rishpiku veten si qiradhënës, duke punuar me dy turne për të mbajtur tre fëmijët e tij, ndërsa nëna e saj ishte kameriere dhe studionte për t'u bërë psikiatre, e cila gjithashtu i mbijetoi edhe kancerit të gjirit.

“Mamaja ime thoshte: ‘Ti je një nga unë, e ke gjakun tim në venat e tua’. Është mentalitet shqiptar: çfarëdo që të ndodhë, ngrihuni, vazhdoni me të. Vazhdoni të ecni dhe vazhdoni të lulëzoni,"- kujton Ora. 

Që nga debutimi i saj ndërkombëtar, ajo ka publikuar vetëm dy albume dhe 24 këngë (duke grumbulluar plot 13 hite që janë renditur në top 10 në Mbretërinë e Bashkuar). Ajo ka interpretuar në 130 shfaqje live në më shumë se një dekadë. Sigurisht që një padi me ish-labelin e saj ‘Roc Nation’ (në pronësi të Jay-Z) në mënyrë efektive nënkuptonte se ajo nuk ishte në gjendje të lëshonte muzikë midis vitit 2015 dhe fundit të 2016 – por kjo nuk e shpjegon plotësisht prodhimin e saj relativisht të rrallë muzikor.

rita ora

Sondazh

Poll

MË SHUMË