Bota

Kryeministri holandez Mark Rutte jep dorëheqjen pas 13 vitesh në qeveri

Kryeministri holandez njoftoi vendimin e tij për të dhënë dorëheqjen pasi u shfaqën dallime "të papajtueshme" brenda koalicionit të tij katër partish mbi politikën e migracionit.

8 Korrik 2023, 08:16 Nga f.i
Kryeministri holandez Mark Rutte jep dorëheqjen pas 13 vitesh në
Mark Rutte

HOLANDË- Kryeministri holandez Mark Rutte ka njoftuar dorëheqjen e tij, pas gati 13 vitesh në qeveri. Rutte njoftoi se do t’i ofronte dorëheqjen e kabinetit me shkrim mbretit Willem-Alexander.

Kryeministri holandez njoftoi vendimin e tij për të dhënë dorëheqjen pasi u shfaqën dallime "të papajtueshme" brenda koalicionit të tij katër partish mbi politikën e migracionit, raportojnë mediat e huaja.

"Dallimet midis katër partive të koalicionit për politikën e migracionit ishin të papajtueshme", -tha ai në Hagë.

Ndërkohë Rutte dhe qeveria e tij do të qëndrojnë në detyrë në një kapacitet kujdestar derisa të zgjidhet një koalicion i ri qeverisës megjithëse partitë opozitare kanë kërkuar zgjedhje të menjëhershme.

Udhëheqësi i Partisë Popullore Konservatore për Liri dhe Demokraci (VVD), Rutte ka qenë kryeministër holandez që nga viti 2010. Qeveria e tij aktuale e koalicionit, e katërta që ai ka udhëhequr, mori detyrën në janar 2022 pas negociatave më të gjata të koalicionit në historinë politike holandeze.

mark rutte mark rutte jep doreheqjen

Sondazh

Poll

MË SHUMË