Bota

Raporti i OKB-së: Më shumë se 9,000 civilë ukrainas kanë vdekur gjatë luftës

Misioni theksoi sulmin e fundit vdekjeprurës më 27 qershor, kur një sulm me raketë në lagjen e ngarkuar tregtare të Kramatorsk mori jetën e 13 civilëve, përfshirë katër fëmijë. 

7 Korrik 2023, 14:54 Nga a.l
Raporti i OKB-së: Më shumë se 9,000 civilë ukrainas
Raporti i OKB-së

UKRAINË- Një raport i publikuar së fundmi nga Organizata e Kombeve të Bashkuara zbulon se më shumë se 9,000 civilë ukrainas kanë ndërruar jetë gjatë luftës. Sipas raportit mes civilëve të vdekur 500 janë fëmijë. 

UNHRM-ja vërejti se ndërsa numri i përgjithshëm mujor i vdekjeve dhe plagosjeve u zvogëlua në fillim të këtij viti në krahasim me vitin 2022, ka pasur një rritje të numrit mesatar në maj dhe qershor. Misioni theksoi sulmin e fundit vdekjeprurës më 27 qershor, kur një sulm me raketë në lagjen e ngarkuar tregtare të Kramatorsk mori jetën e 13 civilëve, përfshirë katër fëmijë. 

Mes të vrarëve nga sulmi ishte shkrimtarja ukrainase dhe mbrojtësja e të drejtave të njeriut Victoria Amelina, e cila vdiq nga plagët e saj në fillim të kësaj jave, shkruajnë mediat e huaja. 

Vetëm pak ditë më vonë, një tjetër sulm me raketa ruse në qytetin perëndimor të Lviv vrau dhjetë civilë. Në deklaratë theksohej se gjatë këtyre dy javëve, viktimat civile arritën disa nga shifrat më të larta që nga fillimi i pushtimit rus. 

okb

Sondazh

Poll

MË SHUMË