Sport

FC Barcelona e kërkon si huazim mbrojtësin, Manchester City do ta shesi!...

Mbrojtësi portugez e ka bërë të qartë shumë here, se nuk ndihet më i qetë te kampionët e Anglisë dhe se do të preferonte të transferohej në një ekip tjetër.

6 Korrik 2023, 11:54 Nga DOSJA
FC Barcelona e kërkon si huazim mbrojtësin, Manchester City do ta

SPANJE - Joao Cancelo u huazua te Bayern Munich, por kampionët e Gjermanisë vendosën të mos e blejnë përgjithmonë mbrojtësin e Manchester Cityt. Megjithatë, mbrojtësi portugez duket ka një marrëdhënie mjaft të paqëndrueshme me Pep Guardiolën, ndaj ai mund të largohet nga kampionët e Europës.

Sipas spanjolëve të ‘Sportit’, FC Barcelona do të insistonte për Joao Cancelon, por vetëm në formë huazimi. Katalanasit po përgatiten të bëjnë ofertën e parë për futbollistin e ‘Citizens’, por ka një problem të madh për skuadrën e Xavit. Manchester City preferon ta shesë atë përgjithmonë mbrojtësin dhe të mos e huazojë për një sezon tjetër.

Mbrojtësi portugez e ka bërë të qartë shumë here, se nuk ndihet më i qetë te kampionët e Anglisë dhe se do të preferonte të transferohej në një ekip tjetër. Joao Cancelo, i cili e mbylli sezonin te Bayern Munich, ka një vlerë tregut prej 50 milionë euro, sipas Transfermarkt.

Në fund të janarit, Bayern Munich e mori Joao Cancelo në huazimi nga Manchester City. Mbrojtësi portugez u duk jashtëzakonisht i emocionuar për ardhjen e tij te kampionët e Gjermanisë.

“FC Bayern është një klub i madh, një nga më të mirët në botë dhe është një motiv i madh për mua që tani të luaj përkrah këtyre lojtarëve të jashtëzakonshëm. E njoh këtë klub, ky ekip jeton për trofe dhe fiton tituj çdo vit. Unë jam gjithashtu i uritur për sukses. Do të jap maksimumin për FC Bayern”,- kishte deklaruar Joao Cancelo.

Por së fundmi, bavarezët njoftuan zyrtarisht ndarjen me Daley Blind dhe Joao Cancelo. “Faleminderit për përpjekjet tuaja Joao Cancelo dhe Daley Blind! Ju dëshirojmë gjithë të mirat për të ardhmen”, ka shkruar Bayern Munich.

B.T (Dosja.al)

Sondazh

Poll

MË SHUMË