Sport

Trajneri i Fluminense do të drejtojë edhe Brazilin deri sa të mbërrijë Carlo Ancelotti...

Fernando Diniz do t’i mbajë të dy detyrat përkohësisht...

5 Korrik 2023, 11:00 Nga DOSJA
Trajneri i Fluminense do të drejtojë edhe Brazilin deri sa të

BRAZIL - Është gjetur trajneri, që do të drejtojë kombëtaren braziliane përkohësisht, deri në ardhjen e Carlo Ancelottit. 

Sipas “Globoesporte”, ai do të jetë Fernando Diniz, trajneri aktual i Fluminense, i cili do të marrë drejtimin e ‘Canarinha’-s, me veçantinë se nuk ka një datë të caktuar përfundimi të kësaj marrëveshjeje (mund të jetë për gjysmë viti ose një vit), gjithçka varet në momentin e mbërritjes së italianit.

Ka edhe një veçori tjetër, që ka të bëjë me faktin se Fernando Diniz do të vazhdojë të jetë trajner i Fluminense, duke i mbajtur të dy pozicionet të paktën deri në fund të vitit aktual kalendarik. Kjo situatë tashmë është parë edhe në disa raste të tjera me disa kombëtare të tjera, por nuk ka qenë praktikë e zakonshme në të kaluarën e afërt, gjë që e bën disi qesharake situatën.

Ndeshja e parë e Fernando Diniz në krye të Brazilit do të jetë në shtator, në datat e FIFA-s të atij muaji, midis 4 dhe 12 shtator, kundër Bolivisë dhe Perusë. Më pas, ai do të drejtojë ekipin brazilian në katër ndeshje të tjera, të gjitha kualifikuese për Botërorin 2026, kundër Venezuelës, Uruguajit (në tetor), Argjentinës dhe Kolumbisë (nëntor).

B.T (Dosja.al)

Sondazh

Poll

MË SHUMË