Sport

E bija, e çon legjendën Eto, drejt burgut…

Legjenda e Kamerunit e njohu vajzën e tij ligjërisht në shkurt 2022. Ish-futbollisti duhej t'i paguajë një kompensim mujor Erikës, pasi gjendja e saj financiare nuk është e mirë.

4 Korrik 2023, 17:01 Nga DOSJA
E bija, e çon legjendën Eto, drejt burgut…

KAMERUN - Ish-ylli i Barcelonës dhe Interit, Samuel Eto, sot president i Federatës së Futbollit të Kamerunit, mund të përballet me burgim, pasi dyshohet se nuk i ka paguar vajzës së tij, Erika de Rosario, një pagesë mujore prej 1.400 euro për pesë vjet.

Erika lindi nga ish-partnerja e Eto'o-s, Adileusa de Rosario. Eto'o ishte në lidhje me De Rosario gjatë kohës së tij si lojtar i Real Madridit në vitet 1998-99.

Legjenda e Kamerunit e njohu vajzën e tij ligjërisht në shkurt 2022. Ish-futbollisti duhej t'i paguajë një kompensim mujor Erikës, pasi gjendja e saj financiare nuk është e mirë. Sipas avokatit të Erika, Fernando Osuna, Eto'o ka dështuar të paguajë kompensimin mujor për pesë vjet, që do të thotë se ish-sulmuesi i Barcelonës, Chelseas dhe Interit tani i detyrohet vajzës së tij pothuajse 90.000 euro.

“Ai i detyrohet më shumë se pesë vjet pension vajzës së tij dhe vazhdon të sfidojë drejtësinë. Ekonomia e Erikës është e brishtë, ndërsa Eto'o jeton në luks. Ai mund të gjykohet me rrethanë rënduese të shpërdorimit të pushtetit, duke pasur parasysh epërsinë e tij ekonomike ndaj Erikës”, tha avokati Osuna. Gjyqi lidhur me rastin do të zhvillohet në Madrid.

B.T (Dosja.al)

Sondazh

Poll

MË SHUMË