Sport

Ylli i Chelsea nuk dëshiron të transferohet në Francë! Kërkon largimin për te Milani

Amerikani Christian Pulisic nuk dëshiron të dëgjojë për lëvizjen që Chelsea po negocion me ish-kampionin e madh të Ligue 1, Lyon.

4 Korrik 2023, 15:17 Nga DOSJA
Ylli i Chelsea nuk dëshiron të transferohet në Francë!

ANGLI - Ylli i Chelsea, sulmuesi amerikan Christian Pulisic synon një kalim te AC Milan, i cili ka ofruar 15 milionë euro për të.

Futbollisti 24-vjeçar refuzon transferimin te Ligue 1, pavarësisht nga propozimi për kontratën, që francezët janë gati të avancojnë. Propozimi i italianëve nuk përfshin bonuset e performancës dhe është i krahasueshëm me atë që Lyon ka vënë në tavolinë, 25 milionë euro përfshirë bonuset.

Edhe pse skuadra franceze pret miratimin nga organi financiar i “Fair-Play”-it të Ligue 1, DNCG,  Pulisic është i vendosur të refuzojë një lëvizje për te Lyon dhe po insiston që shefat e Chelseat të pranojnë ofertën e Milanit.

Gazeta angleze “Daily Mail” raporton se Pulisic është në listën e 11 futbollistëve me të cilët trajneri i ri i Chelsea, Mauricio Pochettino, dëshiron të ndahet këtë verë. Tekniku argjentinas hyri zyrtarisht në “Stamford Bridge” të hënën dhe po përpiqet të ndërtojë një skuadër për të kërcënuar epërsinë e Manchester Cityt në Premier League.

Christian Pulisic i kushtoi Chelsea jo më pak se 70 milionë euro kur u ble nga anglezët, prej Borussia Dortmund, në dimrin e 2019-ës.

B.T (Dosja.al)

 

Sondazh

Poll

MË SHUMË