Sport

Granit Xhaka, gjithnjë e më pranë marrëveshjes me “Apirinat” e Leverkusenit...

Mesfushori me përvojë i Arsenalit, Granit Xhaka është afër rikthimit të tij në Gjermani, me Declan Rice që do ta zëvendësojë atë në “Emirates Stadium”.

4 Korrik 2023, 13:33 Nga DOSJA
Granit Xhaka, gjithnjë e më pranë marrëveshjes me

GJERMANI - Transferimi i Granit Xhakës te Bayer Leverkusen, i cili drejtohet nga spanjoli Xabi Alonso, nuk ka përfunduar, por bisedimet po vazhdojnë. Gazeta britanike “Athletic” raportoi në maj se klubi gjerman kishte hapur bisedimet me Arsenalin për lojtarin e kombëtares zvicerane.

Kujtojmë se mesfushori me eksperiencë ishte shumë pranë lamtumirës së Arsenalit dy vite më parë, por negociatat me Romën nuk përfunduan. Mesfushori më pas nënshkroi një kontratë të re me klubin e Premier League në gusht 2021, por tani ka një shans të mirë që ai të kthehet në Gjermani një vit para se të skadojë kontrata e tij.

Xhaka iu bashkua Arsenalit nga Gladbach në vitin 2016. Gjatë kohës së tij në “Emirates” ai ka bërë 297 paraqitje për klubin, duke shënuar 23 gola dhe duke dhënë 29 asistime. Ai ishte pjesë e skuadrave fituese të FA Cup të Arsenalit në 2017 dhe 2020, duke fituar gjithashtu edhe Community Shield në 2018 dhe 2020.

Ai zëvendësoi Koscielny si kapiten i “Topçinjve” në shtator 2019, por thuhet se iu hoq shiriti dy muaj më vonë, pas një grindjeje të ashpër me tifozët gjatë barazimit 2-2 të Arsenalit me Crystal Palace në tetor.

B.T (Dosja.al)

Sondazh

Poll

MË SHUMË