Sport

Kroati Gvardiol i bën me dije Leipzigut, dëshirën për t’u transferuar te Man.City...

Këtë e ka konfirmuar Max Eberl, drejtor sportiv i skuadrës gjermane

3 Korrik 2023, 10:00 Nga DOSJA
Kroati Gvardiol i bën me dije Leipzigut, dëshirën për

GJERMANI - Ndërkombëtari kroat Josko Gvardiol, mbrojtësi i Leipzig, i komunikoi klubit gjerman “dëshirën e tij për të shkuar në Manchester City”, siç e konfirmoi këtë të dielë edhe Max Eberl, drejtori sportiv i skuadrës gjermane, me të cilin qendërmbrojtësi ka kontratë deri në 2027 dhe ka luajtur 87 ndeshje në dy sezone.

Josko dhe përfaqësuesit e tij na kanë komunikuar dëshirën për të shkuar te Manchester City”,- siguroi Eberl në një intervistë për ‘LVZ’, në të cilën pranoi edhe “negociatat” mes dy klubeve me në qendrën ballkanasin 21-vjeçar. Sipas raportimeve të ndryshme në media, Leipzig kërkon njëqind milionë euro për transferimin e tij te kampioni i Europës.

Gvardiol, një nga mbrojtësit me ndikimin më të madh në Botërorin e kaluar në Katar  2022, mbërriti në Leipzig në verën e vitit 2022, nga Dinamo e Zagrebit në këmbim të rreth 18 milionë eurove.

Që atëherë, në dy sezone, Josko Gvardiol ka luajtur 87 ndeshje, 74 si titullar, me pesë gola dhe tre asistime me klubin gjerman, me të cilin sezonin e kaluar fitoi Kupën e Gjermanisë.

B.T (Dosja.al)

Sondazh

Poll

MË SHUMË