Bota

Osmani takim me ambasadorët e OSBE-së në Kosovë, Serbi e Shkup, bisedime: Shtensionimi i situatës në veri

Osmani para ambasadorëve të OSBE-së ka prezantuar planin 9-pikësh, i cili u bë për të ndihmuar në deeskalimin e situatës dhe për të kontribuuar në arritjen e paqes dhe stabilitetit të qëndrueshëm.

2 Korrik 2023, 15:55 Nga f.i

Osmani takim me ambasadorët e OSBE-së në Kosovë, Serbi e

Bujar Osmani dhe ambasadorët

MAQEDONIA E VERIUT- Kryesuesi i Organizatës për Siguri dhe Bashkëpunim në Europë, ministri i Punëve të Jashtme i Maqedonisë së Veriut, Bujar Osmani, ka zhvilluar sot në Shkup një takim me shefat e misioneve të OSBE-së në Kosovë, Serbi dhe në Shkup, ambasadorët Jan Bratu, Michael Davenport dhe Kilian Wall.

Në fokus të takimit, siç thuhet në një njoftim nga Ministria e Punëve të Jashtme e Maqedonisë së Veriut, ishte situata në veri të Kosovës dhe marrëdhëniet mes dy shteteve. Osmani para ambasadorëve të OSBE-së ka prezantuar planin 9-pikësh, i cili u bë për të ndihmuar në deeskalimin e situatës dhe për të kontribuuar në arritjen e paqes dhe stabilitetit të qëndrueshëm.

“Pata mundësinë të prezantoj prioritetet e Kryesimit tonë të OSBE-së të fokusuar në Europën Juglindore që synojnë forcimin e besimit, luftën kundër korrupsionit dhe veprimin klimatik. Pajtimi është i një rëndësie të veçantë si një hap kyç drejt arritjes së paqes së qëndrueshme dhe bashkëpunimit në rajon", shkroi Osmani në Facebook.

bujar osmani tensionet në veri të kosovës