Sport

ZYRTARE! Marcus Thuram nënshkruan të veshë fanelën e Interit, për 5 vite...

Sulmuesi francez është përforcimi i parë i siguruar nga ‘zikaltrit’ e Milanos

1 Korrik 2023, 16:01 Nga DOSJA

ITALI - Lojtari i kombëtares franceze, Marcus Thuram, është nënshkrimi i parë i siguruar nga Interi për sezonin 2023/24, pas përfundimit të kontratës së tij me Borussia Mönchengladbach, njoftoi klubi i Serisë A këtë të shtunë.

‘Zikaltrit’ nuk zbuluan kohëzgjatjen e kontratës së nënshkruar me sulmuesin, me shtypin transalpin që raporton se lidhja është e vlefshme për pesë vjet, deri në qershor 2028.

Sulmuesi 25-vjeçar ka kaluar katër sezonet e fundit në shërbim të stemës gjermane, për të cilën luajti 134 ndeshje dhe shënoi 44 gola, duke u përgatitur tashmë për një eksperiencë të dytë jashtë Francës, ku përfaqësoi Sochaux dhe Guingamp.

Për më tepër, Thuram do të luajë për herë të parë në vendin ku ka lindur, duke ndjekur gjurmët e babait të tij, ish-ndërkombëtarit francez Lilian Thuram, i cili luajti në Serie A për 10 vjet, fillimisht në Parma, kur lindi Marcus, dhe më pas te Juventus.

Anësori, i cili ishte në Botërorin 2022, duke luajtur për Francën finaliste, është përforcimi i parë i siguruar nga Interi për sezonin e ri.

ZYRTARE! Marcus Thuram nënshkruan të veshë fanelën e

B.T (Dosja.al)

Sondazh

Poll

MË SHUMË