Sport

Gati! Ka përfunduar edhe “transferimi” i yllit brazilian Neymar, njofton “L'Equipe”

Neymar ishte vendosur të ndahej me PSG-në në dritaren e merkatos të kësaj vere, pasi disa skuadra kryesore evropiane ishin të interesuara për transferimin e tij, por ylli brazilian ka ndryshuar mendje.

30 Qershor 2023, 11:00 Nga DOSJA

Gati! Ka përfunduar edhe “transferimi” i yllit brazilian

FRANCE - Pas ofertës së Chelsea dhe Newcastle United për Neymar, futbollisti brazilian ka marrë vendimin përfundimtar për të ardhmen e tij. Gazetarët e “L'Equipe” bëjnë të ditur se 31-vjeçari brazilian dëshiron të përfundojë kontratën me PSG-në.

Ky vendim i Neymar për të qëndruar në PSG deri në vitin 2025 vjen pasi thashethemet e ndryshme në lidhje me largimin e tij të mundshëm nga grupi në “Parc des Princes” janë shfaqur muajt e fundit.

Neymar mbërriti te PSG në gusht 2017, pasi francezët paguan 222.000.000 euro për transferimin e tij nga Barcelona, ​​skuadër që e kishte blerë nga Santos në vitin 2013 për shumën prej 88.000.000 euro dhe në maj 2021 ai mori një propozim nga PSG për ta zgjatur kontratën marrëveshjen, të cilën ai e pranoi.

Kështu, Neymar ka ende kontratë me PSG-në deri në verën e vitit 2025, por futbollisti ka një opsion me të cilin mund ta zgjasë marrëveshjen deri në vitin 2026.

Chelsea dhe Newcastle nuk ishin skuadrat e vetme të interesuara për shërbimet e Neymar këtë verë. Gazetarët e “Fichajes” njoftuan se edhe Al Hilal dëshironte të transferonte brazilianin dhe në listën e skuadrave që i ofruan futbollistit brazilian ishin edhe Manchester United dhe Barcelona.

Edhe pse kërkohet nga disa skuadra në Evropë dhe Arabinë Saudite, Neymar tashmë ka bërë plane për të ardhmen e tij. Kështu, futbollisti brazilian do të rikthehet në Santos pas përfundimit të kontratës me PSG-në.

Gati! Ka përfunduar edhe “transferimi” i yllit brazilian

“Një ditë do të kthehem. Do te kthehem shpejt! Është shumë bukur të kthehesh këtu. Këtu ndihem si në shtëpinë time, jam i lumtur që rikthehem pas 10 vitesh.

Kam ardhur këtu për të mbështetur ekipin dhe për të marrë dashurinë e tifozëve. Është klubi që më dha gjithçka, që më hapi derën. Nëse ëndërroj të kthehem, imagjinoni tifozët”,- ka thënë Neymar, sipas mediave braziliane.

B.T (Dosja.al)

Sondazh

Poll

MË SHUMË