Sport

Brozovic mbyll telenovelën: i thotë “Po” Al-Nassr! Në 3 vjet ai do të marrë 100 milionë!

Një delegacion i klubit arab në Kroaci e ka bindur Marcelo Brozoviv. Shpresat e Barcelonës kanë marrë fund

30 Qershor 2023, 08:00 Nga DOSJA
Brozovic mbyll telenovelën: i thotë “Po” Al-Nassr! Në

KROACI - Marcelo Brozovic i tha “Po” Al-Nassr-it. Delegacioni i klubit arab që fluturoi për në Kroaci arriti ta bindte mesfushorin e Interit të pranonte ofertën edhe sepse lojtarit do të ishin plotësuar të gjitha kërkesat ekonomike: ai do të marrë 100 milionë euro në tre vjet nga marrëveshja deri në 2026 dhe shpërblimet për nënshkrim. 

Vizitat mjekësore të kroatit me Al-Nassr janë planifikuar për të premten. Barcelona, ​​e cila gjithashtu ishte e interesuar për 30-vjeçarin, nuk kishte kurrë forcë për t'u ribashkuar: ‘Blaugranët’ duhet të dorëzohen para se të blejnë, ndërkohë që dhe vetë Brozovic do të lodhej duke pritur më shumë, përpara se të vendoste për të ardhmen e tij. Rreth 23 milionë euro për Interin, të cilat do të jenë menjëherë riinvestuar te Davide Frattesi.

Në orët e fundit në profilin e Brozovicit në Instagram kishin rrjedhur mesazhe sibilinike: e fundit e shihte atë si protagonist me fanelën e ‘zikaltërve’ dhe krahët e ngritur drejt tifozëve, duke mbledhur vlerësime, nxitje dhe "komente" edhe nga ish-shokët e skuadrës (si Perisic). Ishte përfolur se kroati ishte i zemëruar dhe i indinjuar me Interin dhe nuk kishte ndërmend ta kalonte dimrin në Arabi, nëse një ofertë nuk i bënte kokën. Oferta mbërriti në kohë të enjten në mbrëmje.

Joan Laporta, presidenti i Barcelonës, konfirmoi mosardhjen e Brozovic: "Ai, si Zubimendi apo Kimmich, kushtojnë shumë për ne, këto marrëveshje nuk do të bëhen për shkak të parametrave financiarë që do të kërkonin nga ne. Brozovic ka një ofertë nga Arabia Saudite kundër së cilës nuk mund të konkurrojmë”.

B.T (Dosja.al)

Sondazh

Poll