Bota

PASOJAT e një lufte/ Raporti i OKB-së: Në 2 muaj, më shumë se 2.6 milionë njerëz braktisën banesat në Sudan

Më shumë se 560,000 njerëz ikën përtej kufirit në vendet fqinje, kryesisht në Egjipt, Çad dhe Sudanin e Jugut.

30 Qershor 2023, 07:16 Nga a.l
PASOJAT e një lufte/ Raporti i OKB-së: Në 2 muaj, më
Sudan

Një raport i publikuar së fundmi nga Organizata e Kombeve të Bashkuara zbulon se, që nga shpërthimi i luftimeve në Sudan në mes të prillit, më shumë se 2.6 milionë njerëz janë larguar nga shtëpitë e tyre, me më shumë se 560,000 prej tyre që janë kthyer në refugjatë ndërkombëtarë. 

Sipas Zyrës së OKB-së për Koordinimin e Çështjeve Humanitare (OCHA), më shumë se 2.1 milion njerëz u zhvendosën brenda vendit që nga 15 prilli, duke përfshirë 1.4 milion njerëz që u larguan nga kryeqyteti Khartoum. Më shumë se 560,000 njerëz ikën përtej kufirit në vendet fqinje, kryesisht në Egjipt, Çad dhe Sudanin e Jugut.

OCHA tha se organizatat humanitare arritën më shumë se 2.8 milionë njerëz në mbarë vendin me ushqim,  shëndet, ujë dhe shërbime mbrojtëse, shkruajnë mediat e huaja. 

"Sulmet kundër objekteve dhe depove humanitare, vazhdojnë të pengojnë aftësinë tonë për të ofruar ndihma në mënyrë të sigurt. Ne përballemi me vështirësi të jashtëzakonshme në arritjen e njerëzve në zonat e prekura nga konflikti në Khartoum, Darfur dhe Kordofan," tha OCHA. 

Zyra tha se që nga fillimi i krizës, 13 punëtorë humanitarë janë vrarë dhe shumë të tjerë janë plagosur. Disa personel humanitar janë të zhdukur. Partnerët e Kombeve të Bashkuara raportuan se grabitja e 43 depove humanitare e ka bërë të vështirë rifillimin dhe zgjerimin e operacioneve të ndihmës. 

okb lufta ne sudan

Sondazh

Poll

MË SHUMË