Bota

Shtëpia e Bardhë shpreh ngushëllime për 5 viktimat e 'Titan': Zemrat tona janë me familjet dhe të dashurit e tyre

Zyrtarët e Rojës Bregdetare të SHBA njoftuan vdekjen e tyre të enjten pas shpërthimit katastrofik të anijes në Atlantikun e Veriut.

23 Qershor 2023, 08:56 Nga a.l
Shtëpia e Bardhë shpreh ngushëllime për 5 viktimat e
Shtëpia e Bardhë

SHBA- Shtëpia e Bardhë shprehu ngushëllimet e saj për familjet që mbajnë zi për pesë personat e vrarë në bordin e zhytësit 'Titan'. Zyrtarët e Rojës Bregdetare të SHBA njoftuan vdekjen e tyre të enjten pas shpërthimit katastrofik të anijes në Atlantikun e Veriut, shkruajnë mediat e huaja. 

“Zemrat tona janë me familjet dhe të dashurit e atyre që humbën jetën në Titan. Ata kanë kaluar një sprovë të rëndë gjatë ditëve të fundit dhe ne po i mbajmë në mendimet dhe lutjet tona. Kjo ka qenë një dëshmi e aftësisë dhe profesionalizmit që burrat dhe gratë që i shërbejnë kombit tonë vazhdojnë të demonstrojnë çdo ditë”, tha Shtëpia e Bardhë në një deklaratë. 

Nëndetësja Titan, e cila operohet nga kompania private amerikane “OceanGate Expeditions”, u zhyt të dielën në orën 8 të mëngjesit në afërsi të brigjeve kanadeze. Ajo humbi kontaktin me anijen që e shoqëronte, në përfundim të asaj që duhej të kishte qenë një zhytje dy-orëshe në pjesën veriore të oqeanit Atlantik, për të parë rrënojat e Titanikut, që u fundos në vitin 1912. Sipas kompanisë, nëndetësja kishte 96 orë oksigjen e cila përfundoi ditën e enjte datë 22 qershor. Të pesë personat në bord besohet të kenë vdekur. 

shtepia e bardhe titan zhduken turistet ne oqeanin atlantik

Sondazh

Poll

MË SHUMË