Bota

Takimi me Borrell në Bruksel/ Kurti: Zgjedhjet në veri të paraprihen nga sundimi i ligjit

Gjithashtu, kryeministri Kurti tha se është diskutuar edhe për de-eskalimin, ku nënkuptohet largimin e grupeve kriminale që  do të pasohej me largimin e trupave të policisë në ndërtesën komunave.

22 Qershor 2023, 22:15 Nga a.l
Takimi me Borrell në Bruksel/ Kurti: Zgjedhjet në veri të
Albin Kurti

BRUKSEL- Kryemistri i Kosovës, Albin Kurti në një konferencë për mediat bëri me dije se sot zhvilloi takime bilaterale me shefin e Politikës së Jashtme e të Sigurisë së BE-së, Josep Borrell, si dhe me emisarin e BE-së për dialogun Kosovë-Serbi, Mirosllav Lajçak, ku sqaroi se takimi nuk ishte trelateral, sepse pala tjetër ka refuzuar një gjë të tillë. 

“Unë kam ardhur për t’u takuar për t’u marrë vesh që të kemi dakordësime e të ecim përpara. Në fillim të takimit unë kam prezantuar një dokumentacion Borrell-it e Lajcak-ut lidhur me rrëmbimi n e tre policëve të Kosovës në Leposaviç, më 14 qershor, kur janë bërë më shumë se një javë e që po mbahen peng nga Serbia në burgun e Kralevës”, duke kërkuar që ta dënojnë agresine e Serbisë ndaj Kosovës publikisht.

Gjithashtu, kryeministri Kurti tha se është diskutuar edhe për de-eskalimin, ku nënkuptohet largimin e grupeve kriminale që  do të pasohej me largimin e trupave të policisë në ndërtesën komunave.

“Ndërkaq sa i përket zgjidhjes më të qëndrueshme, natyrisht se ka nevojë për zgjedhje të parakohshme në katër komunat në veri me një proces qe i paraprihet nga sundimi i ligjit, nga një fushatë e hapur e fer dhe nga zgjedhjet e lira e demokratike”, tha mes tjerash Kurti. 

Shefi i diplomacisë së Bashkimit Evropian, Josep Borrell zhvilloi sot takime të ndara me kryeministrin e Kosovës, Albin Kurtin dhe Presidentin e Serbisë, Aleksandër Vuçiç, në një përpjekje për t’i dhënë fund tensioneve në veri të vendit. Takimet kanë zgjatur rreth 4 orë. Borrell, në një konferencë për media bëri me dije se i vetmi dakordim që u arrit nga takimi janë zgjedhjet e parakohshme në 4 komunat veriore, por nuk ka dhënë detaje si do të organizohen dhe kur do të mbahen. 

 

tensione në veri të kosovës albin kurti

Sondazh

Poll

MË SHUMË