Sport

Benzema dhe makina e tij e re sportive 625 CV, kushton më pak se sa sulmuesi francez do të fitojë në një ditë në Arabinë Saudite!

Lojtari nuk është më i lidhur me kontratë me BMW, siç ndodhi gjatë vitit të tij të fundit te Real Madrid, por ai ka zgjedhur një M5 Competition, për të nisur këtë fazë të re të jetës së tij.

22 Qershor 2023, 15:49 Nga DOSJA

Benzema dhe makina e tij e re sportive 625 CV, kushton më pak se sa

FRANCE - Karim Benzema është nga ata futbollistë, që jo vetëm blejnë makinat e mëdha që duan, gjithmonë me motorë të ‘hipervitaminuar’, por herë pas here i shfaqin edhe në rrjetet e tyre sociale.

Si lojtar i Real Madridit, çdo vit, Karim Benzema kishte transferimin falas të një makine të re, prej vitesh një Audi, dhe në fund të anëtarësimit në ekipin e bardhë një BMW. Në fakt, lojtari francez është një nga të paktët që zgjodhi i4 M50 në nëntor të vitit të kaluar, e cila mund të konsiderohet një alternativë më sportive (edhe pse më pak e gjerë) ndaj iX xDrive50, të cilën e zgjodhi shumica e skuadrës.

Makina e re me të cilën ai është parë në rrjetet sociale është BMW M5 Competition, një sedan me katër dyer me motor 4.4 litra V8 biturbo, i aftë të lëshojë 625 kuaj fuqi dhe 750 Nm çift rrotullues. Me fjalë të tjera, një model me të cilin mund të merrni familjen tuaj, si dhe të 'shfaqni ngjyrat' ​​e çdo makine sportive, pasi i duhen vetëm 3.3 sekonda për të shkuar nga 0 në 100 (ka një funksion 'Launch Control') dhe arrin 250 km/h ... nëse nuk keni opsionin e paketës së shoferit, që në këtë rast i kalon 300 km/h .

Benzema dhe makina e tij e re sportive 625 CV, kushton më pak se sa

Nuk jemi të sigurt nëse makina është e tij? Por as nuk besojmë se Benzema të ketë postuar një foto në rrjete, vetëm se e lanë të voziste një ditë. Sido që të jetë, francezi po shijon një makinë që për momentin nuk mund të porositet më, as duke i çuar 151.100 euro në dorë tregtarit, sa kushton ky version i vitaminizuar i Serisë 5. Dhe sepse gjenerata e re e Serisë 5, për momentin nuk ka një version M.

Karim Benzema tek sauditët e Al Ittihad, do të fitojë pothuajse 274.000 euro në ditë, nga e hëna në të diel dhe çdo ditë të vitit. Kësisoj të blesh një makinë që kushton pak më shumë se 150.000, për sulmuesin francez nuk besojmë se është problem.

B.T (Dosja.al)

Sondazh

Poll

MË SHUMË