Bota

Kurti MESAZH në gjuhën serbe: Le të ecim së bashku drejt një të ardhme më të mirë

Kurti është shprehur se takimi në Bruksel është i nevojshëm dhe se tashmë presidenti i Serbisë është penduar që i ka thënë Po marrëveshjes e që do të thotë njohje de facto e Republikës së Kosovës.

21 Qershor 2023, 13:39 Nga f.i
Kurti MESAZH në gjuhën serbe: Le të ecim së bashku drejt
Albin Kurti

KOSOVË- Kryeministri Albin Kurti së fundmi iu është adresuar komunitetit serb në Kosovë, përmes një video. Përmes mesazhit Kurti është shprehur se duhet ecur se bashku drejt një të ardhmeje më të mirë, shkruan GazetaExpress.

Ndër të tjera Kurti është shprehur se takimi në Bruksel është i nevojshëm dhe se tashmë presidenti i Serbisë është penduar që i ka thënë Po marrëveshjes e që do të thotë njohje de facto e Republikës së Kosovës.

"E kam theksuar vazhdimisht se ky vend është i përbashkët i yni, ai që na përqafon dhe na mbron, dhe për të mirën jemi të detyruar të luftojmë. Le të ecim drejt një të ardhmeje më të mirë së bashku, duke ndërtuar ura të forta, për atë që duam për veten dhe familjet tona. Nga ana tjetër, ne kemi nevojë për takime në Bruksel për zbatimin urgjent, të plotë dhe të pakushtëzuar të marrëveshjes bazë nga Brukseli, pjesë përbërëse e së cilës është Aneksi i Ohrit. E kam të qartë tani që presidenti i Serbisë i ka thënë PO marrëveshjes për të mos e nënshkruar dhe tani ankohet dhe pendohet duke thënë PO, për pranimin e asaj marrëveshjeje, që do të thotë njohje de facto e Republikës së Kosovës’’, -ka thënë Kurti.

tensionet në veri të kosovës

Sondazh

Poll

MË SHUMË