Bota

Pengmarrja e 3 policëve në Veri/ Kurti: Ishin duke ngrënë në momentin që u rrëmbyen! Jetish i vizitoi sot në qeli

Ai tha se policët i kanë treguar Jetishit momentin e rrëmbimit nga njësitë serbe, teksa ata ishin duke ngrënë drekë. 

20 Qershor 2023, 16:05 Nga a.l
Pengmarrja e 3 policëve në Veri/ Kurti: Ishin duke ngrënë
Albin Kurti

KOSOVË- Kryeministri Albin Kurti në një konferencë për media ka treguar se shefi i Zyrës Ndërlidhëse të Kosovës në Serbi, Jetish Jashari ka vizituar tre policët e rrëmbyer. Ai tha se policët i kanë treguar Jetishit momentin e rrëmbimit nga njësitë serbe, teksa ata ishin duke ngrënë drekë. 

“Të tre kanë qenë bashkë. Të tre e kanë rrëfimin e njëjtë kur pyetën ndaras nga njëri-tjetri nga ambasadori ynë. Përshkrimi i policëve është i njëjtë. Janë tri rrëfime të ndara identike, të cilët thonë se në momentin e rrëmbimit më 14 qershor kanë qenë tek tryeza e improvizuar për ngrënie. Pra kanë qenë duke ngrënë drekë kur 15 persona i kanë rrethuar, sulmuar dhe rrëmbyer. Dëshmitë që posedojnë institucionet tona dhe dëshmia e tre policëve dëshmojnë qartë që ishin brenda territorit”, tha ai. 

Kurti tha se u ushtrua agresion nga Serbia sepse po luftohet krimi i organizuar. 

tensione në veri të kosovës

Sondazh

Poll

MË SHUMË