Bota

Lajm i mirë për Ukrainën, plotëson 2 nga shtatë kushtet për të nisur bisedimet e anëtarësimit në BE

Por BE-ja vendosi shtatë kushte, duke përfshirë reformën në drejtësi dhe frenimin e korrupsionit endemik, për të nisur negociatat e pranimit.

19 Qershor 2023, 21:49 Nga a.l
Lajm i mirë për Ukrainën, plotëson 2 nga shtatë kushtet
Foto ilustruese

Një raport i Bashkimit Evropian këtë javë do njoftojë se Ukraina ka përmbushur dy nga shtatë kushtet për të filluar negociatat e anëtarësimit. Lajmi është bërë i ditur nga burime të BE-së. 

Në një lëvizje simbolike, BE i dha Ukrainës statusin zyrtar të kandidatit për anëtarësim një vit më parë – katër muaj pasi Rusia filloi luftën, shkruan Al Jazeera.

Por BE-ja vendosi shtatë kushte, duke përfshirë reformën në drejtësi dhe frenimin e korrupsionit endemik, për të nisur negociatat e pranimit.

“Ka progres. Raporti do të jetë mesatarisht pozitiv. Nuk ka të bëjë me zbukurimin e realitetit, por me njohjen e progresit, ka pasur raste të spikatura kundër korrupsionit për të përmendur”, tha personi, i cili foli në kushte anonimiteti. 

Një nga zyrtarët tha se kushtet e përmbushura kanë të bëjnë me reformën në drejtësi dhe ligjin e medias dhe shtoi se fokusi në raport ishte në pozitivet.

lufta ukraine-rusi

Sondazh

Poll