Bota

Rrëmbimi i 3 policëve në Veri/ Ish-zëdhënësi i KFOR: Nëse janë kapur në territorin tonë, është shkelur rezoluta 1244

Ai gjithashtu ka lënë të nënkuptohet se ky arrestim nuk mund të jetë i rastësishëm, teksa ka shprehur dyshimet e tij lidhur me ngjarjen. 

15 Qershor 2023, 08:47 Nga a.l
Rrëmbimi i 3 policëve në Veri/ Ish-zëdhënësi i
Vincent Grasso

KOSOVË-  Ish-zëdhënësi i misionit të KFOR-it në Kosovë, Vincent Grasso, ka reaguar pas rrëmbimit të tre pjesëtarëve të Policisë së Kosovës nga Policia Speciale e Serbisë ditën e djeshme datë 14 qershor. Përmes një postimi në Twitter, Grasso shprehet se nëse vërtetohet se arrestimi ka ndodhur në Kosovë, Serbia ka shkelur Marrëveshjen Teknike Ushtarake dhe Rezolutën 1244. Ai gjithashtu ka lënë të nënkuptohet se ky arrestim nuk mund të jetë i rastësishëm, teksa ka shprehur dyshimet e tij lidhur me ngjarjen. 

“Nëse konfirmohet se “arrestimi” ka ndodhur në Kosovë, është shkelje e qartë e Marrëveshjes Teknike Ushtarake dhe Rezolutës 1244, prandaj @NATO_KFOR duhet të hetojë. Gjithsesi, a është rastësi që ka ndodhur derisa në Beograd, Vuçiç po takohej me KFOR-in? Dyshoj!”, ka thënë Grasso.

Merren peng 3 policë 

Tre policë kufitar janë marrë peng këtë të mërkurë datë 14 qershor në vendin e quajtur Tresave/Bare, brenda në territorin e Kosovës, më konkretisht në afërsi të një fshati në komunën e veriut në Leposaviç. Sipas policisë, ata janë rrëmbyer nga forcat serbe, teksa kanë qenë në detyrë për të parandaluar shfrytëzimin e rrugëve ilegale nga grupet kriminale për kalim ilegal dhe kontrabandë. 3 efektivët kanë njoftuar policinë se 3 persona të maskuar dhe armatosur kanë shkuar drejt tyre. Nga ky moment forcat e tjera policore kanë shkuar në kufi, ku kanë gjetur vetëm makinën e 3 policëve. Serbia ka hedhur poshtë çdo pretendim.

vincent grasso tensione në veri të kosovës

Sondazh

Poll