Aktualitet

3 të arrestuar për bllokimin e rrugës në Astir/ Banorët thyejnë xhamin e derës së Drejtorisë së Policisë: Lironi vël

10 Tetor 2019, 07:16 Nga DOSJA
3 të arrestuar për bllokimin e rrugës në Astir/ Banorët

TIRANE- Pas protestës së djeshme në Astir, mëngjesin e sotëm, Policia e Shtetit, ka zbarkuar në këtë zonë, ku janë arrestuar disa nga banorët më aktivë të protestës.  Të arrestuar janë Ilir Katiraj, Skënder Doda dhe Gramoz Shehu. Dosja.al mëson se Policia ka shpallur në kërkim edhe disa protestues të tjerë, të cilët akuzohen se kanë bllokuar rrugën. Ndërhyrja e policisë vjen pas hyrjes ne fuqi të Kodit të ri Penal që ka ashpërsuar ligjin, dhe bllokimi i rrugëve, sipas këtyre ndryshimeve, rrezikon 3 vite burg për çdo person.

Nga ana tjetër janë mobilizuar sërish për protestë sot gratë e familjeve që banojnë te “Unaza e Re”, që ka sjellë tensione edhe tek Drejtoria e Policisë, ku protestuesit kanë marshuar dhe kërkojnë lirimin e tri të arrestuarve. Gjatë shtyrjeve me policinë, është thyer edhe xhami i derës tek hyrja e drejtorisë së Policisë së Tiranës. “Lironi vëllezërit tanë”,-bëjnë thirrje banorët.

Banorët e Unazës së Re, kundërshtojnë këtë projekt rruge pasi sipas tyre është korruptiv dhe iu shemb gjithë banesat e tyre. Ata shprehen të vendosur se nuk do të lejojnë që ky projekt të realizohet. Në mbështetje të tyre është edhe opozita, ku ish-deputetët Flamur Noka, Klevis Balliu, Endrit Braimllari, kanë bërë thirrje që protestuesit të lirohen.

(J.V;F.G/Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet arrestohen protestuesit e unazës së re protesta te unaza e re arrestohen protestuesit e unazës së re protesta te unaza e re

Sondazh

Poll