Politike

I jepet lamtumira Silvio Berlusconit, Rama niset sot drejt Milanos

Në ceremoni pritet të marrin pjesë mbi 2 mijë persona, ku nuk do të mungojnë as zyrtarët e lartë të shteteve, miq dhe të afërm të Berlusconit.

14 Qershor 2023, 11:39 Nga A.B
I jepet lamtumira Silvio Berlusconit, Rama niset sot drejt Milanos
Edi Rama, Silvio Berlusconi

ITALI- Kryeministri Edi Rama do niset ditën e sotme drejt Italisë, për të marrë pjesë në ceremoninë e lamtumirës së Silvio Berlusconit. 

Italia i jep sot lamtumirën një nga personave më me ndikim në politikën italiane dhe jo vetëm, ish-kryeministirt Silvio Berlusconi. Ceremonia mortore do të mbahet në orën 15.00 në Piazza Duomo dhe do të drejtohet nga  kryepeshkopi i qytetit Mario Delpini. Në ceremoni pritet të marrin pjesë mbi 2 mijë persona, ku nuk do të mungojnë as zyrtarët e lartë të shteteve, miq dhe të afërm të Berlusconit.

Silvio Berlusconi ndërroi jetë në moshën 86-vjeçare pasi vuante prej kohësh nga leuçemia kronike mielomonocitare. Ai doli nga spitali më 19 maj, pas 45 ditëve të kaluara duke trajtuar pneumoninë dhe problemet me veshkat dhe duke vazhduar trajtimin për leuçeminë. Mirëpo, përkeqësimi i gjendjes së tij shëndetësore bëri që të kthehej sërish në spital më 9 qershor. Fatkeqësisht gjendja shëndetësore e tij u përkeqësua duke u ndarë nga jeta më 12 qershor./Dosja.al

edi rama

Sondazh

Poll

MË SHUMË