Bota

Tensionet në Mitrovicë/ Sveçla: Koha e bandave kriminale në veriun e Kosovës ka përfunduar

13 Qershor 2023, 19:49 Nga f.i
Tensionet në Mitrovicë/ Sveçla: Koha e bandave kriminale
Xhelal Sveçla

KOSOVË- Ministri i Brendshëm, Xhelal Sveçla, përmes një postimi në rrjetet sociale, teksa ka njoftuar se është arrestuar një nga organizatorët e sulmeve ndaj pjesëtarëve të KFOR-it, ka ritheksuar se koha e bandave kriminale në veriun e vendit tonë ka përfunduar.

“Arrestohet një nga organizatorët e sulmeve ndaj pjesëtarëve të KFOR-it. Policia e Kosovës sot ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njejti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan. Gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë. Siç edhe e kam theksuar në vazhdimësi, koha e bandave kriminale në veriun e vendit tonë ka përfunduar. Të gjithë individët apo grupet kriminale që kanë cënuar sigurinë dhe rendin kushtetues të Republikës së Kosovës, do të përballen me drejtësinë. Republika nuk do të zmbrapset”, shkroi Sveçla në Facebook.

tensionet në veri të kosovës

Sondazh

Poll

MË SHUMË