Sport

Grupi amerikan “49ers Enterprises” blen Leeds United...

Marrëveshja është në pritje të miratimit nga Premier League.

10 Qershor 2023, 11:40 Nga DOSJA

ANGLI - Grupi amerikan “49ers Enterprises” ka arritur marrëveshje me pronarin e Leeds United, Andrea Radrizzani për blerjen e aksioneve të tij në klubin anglez.

Leeds njoftoi marrëveshjen të premten, e cila është në pritje të miratimit nga Premier League, që do të duhet të vlerësojë, nëse pronarët e rinj janë të përshtatshëm për të hyrë në ligë.

Ky proces mund të zgjasë disa javë, pasi Premier League e rinovoi këtë rregullore për të shmangur hyrjen në konkurrencë të pronarëve të falimentuar, ose fondet e të cilëve vijnë nga biznese të parregullta.

"Leeds mund të konfirmojë se është arritur një marrëveshje midis Aser Ventures dhe “49ers Enterprises” për blerjen e klubit. Të dyja palët do të vazhdojnë të përpunojnë detajet dhe më shumë detaje do të publikohen së shpejti,"- tha Leeds në një deklaratë.

Grupi amerikan “49ers Enterprises” blen Leeds United...

“49ers Enterprises” është krahu i investimeve të ekskluzivitetit të ‘San Francisco 49ers NFL’ dhe presidenti i tij është Paraag Marathe, që ka qenë zv.president i Leeds që nga viti 2021.

Radrizzani mori klubin në vitin 2017 dhe zotëronte 57% të Leeds, por ka vendosur të ndahet nga paketa e tij e aksioneve pas sezonit katastrofik që 'Bardhët' kanë përfunduar, me tre trajnerë të shkarkuar, drejtorin sportiv dhe rënie në Championship tre sezone pas ngritjes, me argjentinasin Marcelo Bielsa në krye.

Vlerësimi i klubit erdhi me rënien nga kategoria dhe kjo blerje do t'i lejojë grupit amerikan të investojë në mënyrë adekuate për të siguruar të ardhmen e klubit, përveç zhbllokimit të fushës sportive, në të cilën planifikimi për sezonin e ardhshëm është ndërprerë për shkak të mungesës së një trajneri dhe një drejtori sportiv.

B.T (Dosja.al)