Bota

Serbët në protestë: Nëse s’i plotësojnë kërkesat deri në fund të javës së ardhshme, protestat do të marrin një formë të re

Protestat kundër dhunës po vazhdojnë prej një muaji, dhe parlamenti po shqyrton agjendën e paraqitur nga opozita pas dy vrasjeve masive në Serbi.

9 Qershor 2023, 21:01 Nga m.s
Serbët në protestë: Nëse s’i plotësojnë
protesta ne Serbi

SERBI- Në Beograd ka nisur protesta e gjashtë “Serbia kundër dhunës”, e thirrur nga përfaqësues të partive opozitare. E kësaj radhe, tubimi ka nisur para Kuvendit të Serbisë, e më pas qytetarët kanë nisur të ecin në këmbë deri te ndërtesa e Qeverisë. 

Aktori Nenad Mariçiç tha në emër të organizatorëve se presin që qeveria t'i plotësojë të gjitha kërkesat deri në fund të javës së ardhshme. Ai po ashtu ka deklaruar se në të kundërt, “protestat do të marrin një formë të re”, raporton 'Euronews Serbia'.

Demonstruesit kanë vendosur mesazhe edhe para Qeverisë, në derë janë ngjitur tabelat “Mbyllur për shkak të korrupsionit”, “Mbyllur për shkak të injorancës”, “Mbyllur për shkak të paaftësisë”.

Serbët në protestë: Nëse s’i plotësojnë

Studentët e disa fakulteteve të Beogradit janë mbledhur sot në Parkun Studentor, nga ku janë drejtuar për në Kuvend për protestën “Serbia kundër dhunës”. Ata bënë disa pankarta ku shkruhej: "A dini si të bëheni një kampion i vërtetë? Duke dalë në rrugë kur është më e vështirë dhe ecja!", "Nuk është filozofike të heshtësh! Studentët e Fakultetit Filozofik kundër dhunës", "E zhysim dhunën me lumin e dashurisë", "Studentët e Ekonomisë kundër dhunës", "Studentët nuk heshtin", "Pushteti absolut. =përgjegjësi absolute" dhe "Indeksi nuk është pasaportë".

"Ne i kemi mbështetur protestat disa herë dhe besojmë se Qeveria e Serbisë duhet t'i përmbushë të gjitha kërkesat e protestave, në mënyrë që të gjithë të kemi një vend pa dhunë", tha Angjela Radosavljeviq, studente në Fakultetin e Shkencave Politike.

Protestat kundër dhunës po vazhdojnë prej një muaji, dhe parlamenti po shqyrton agjendën e paraqitur nga opozita pas dy vrasjeve masive në Serbi. Në një atmosferë të tensionuar politike, qeveria shpall masa ekonomike dhe ndryshime të caktuara politike, ndërsa presidenti Aleksandër Vuçiç fton ata që protestojnë në dialog./Dosja.al

proteste ne serbi serbi

Sondazh

Poll

MË SHUMË