Bota

Zëdhënësi i KFOR-it: Trupat do të qëndrojnë në veri për sa kohë të ketë tension

Zëdhënësi i misionit të NATO-s në Kosovë, kolonel Andrea Gallieni, tha se trupat e KFOR-it do të vazhdojnë të jenë prezente në veri për sa kohë ka tension

9 Qershor 2023, 19:55 Nga DOSJA
Zëdhënësi i KFOR-it: Trupat do të qëndrojnë
Andrea Gallieni

KOSOVË- Zëdhënësi i misionit të NATO-s në Kosovë, kolonel Andrea Gallieni, tha se trupat e KFOR-it do të vazhdojnë të jenë prezente në veri për sa kohë ka tension. Duke komentuar situatën aktuale në komunat me shumicë serbe në veri, gjatë një konference për media, Gallieni nënvizoi se prania e forcave të NATO-s në territor nuk ka një afat.

“KFOR-i nuk po vepron në bazë të një programi, por po vepron brenda kontekstit të sigurisë. Për sa kohë që tensioni mbetet i lartë, me rrezik të përshkallëzimit në një nivel edhe më të madh, trupat do të mbeten”, shpjegoi zëdhënësi i KFOR-it. 

“Ne nuk jemi këtu për të mbrojtur njërën apo tjetrën palë, por për të parandaluar që diçka shumë serioze të ndodhë”, shtoi Gallieni.

Sondazh

Poll

MË SHUMË