Sport

Mesfushori kroat njofton largimin e tij nga Chelsea dhe i afrohet Manchester Cityt...

Mateo Kovacic ka pranuar publikisht se është shumë afër largimit nga Chelsea, pavarësisht se ka edhe një vit në kontratën e tij dhe është afër Manchester City, me të cilin ka qenë shumë i lidhur.

8 Qershor 2023, 16:20 Nga DOSJA
Mesfushori kroat njofton largimin e tij nga Chelsea dhe i afrohet Manchester

ANGLI - Mateo Kovacic është në kombëtaren e Kroacisë për finalet e Nations League  dhe në deklaratat në vendin e tij ka paralajmëruar largimin nga Chelsea.

Mesfushori kroat bëri një autokritikë të ashpër për sezonin e vështirë të ‘bluve’ këtë vit, por ai nuk u ndal me kaq, teksa ndër të tjera tha se të gjithë flasin se do të largohet nga londinezët.

"Kam një kontratë njëvjeçare me Chelsean dhe ky sezon ka qenë shumë i keq. Gjithçka tregon se pas pesë vitesh do të ndryshoj ekip, por në futboll gjithçka mund të ndodhë. Për momentin jam i fokusuar me Kroacinë për Natinos League,"- tha mesfushori kroat i Chelseat.

Manchester City ka qenë mjaft i interesuar për Kovacic. Anglia dyfishohet si destinacioni i ardhshëm më i mundshëm i kroatit. Mirëpo, Kovacic ka folur shumë mirë për skuadrën e Guardiolës.

"Manchester City është një ekip i lartë dhe për mua ata e meritojnë të jenë në finalen e Champions League. Kjo është ajo që duhet të them. Vera është e gjatë, do të shohim se çfarë do të ndodhë,"- tha Kovacic për ‘Citizens’.

B.T (Dosja.al)

Sondazh

Poll

MË SHUMË