Bota

Dritë jeshile për kompaninë "Neuralink"/ Analiza: Çfarë duhet të dimë dhe a janë të sigurt çipat që do vendosim në tru?

Musk ka pohuar se pajisja e Neuralink mund të përdoret për një sërë përdorimesh terapeutike, për të trajtuar kushte si verbëria, paraliza, depresioni. Ai ka thënë gjithashtu se qëllimi përfundimtar është të krijohet një “pajisje e përgjithshme e popullsisë” që mund të lidhë mendjen e një përdoruesi drejtpërdrejt me kompjuterët dhe t'i ndihmojë njerëzit të vazhdojnë me inteligjencën artificiale.

8 Qershor 2023, 11:31 Nga f.i

Dritë jeshile për kompaninë "Neuralink"/ Analiza:

SHBA- Kompania e implanteve të trurit të Elon Musk 'Neuralink' mori dritën jeshile nga Administrata e Ushqimit dhe Barnave e Shteteve të Bashkuara (FDA) për të kryer prova klinike te njerëzit. Kompania 'Neuralink' së fundmi po punon për t'u dhënë njerëzve me tetraplegji aftësinë për të kontrolluar kompjuterët dhe pajisjet e tyre celulare me mendimet e tyre, shkruan The Guardian.

Njerëzit mund ta përdorin pajisjen për të kontrolluar lloje të ndryshme të teknologjisë, si një kompjuter, duke menduar. Implanti dërgon sinjalet e trurit të tyre nëpërmjet Bluetooth në një kompjuter, i cili më pas përkthen veprimin e tyre të synuar në detyra në një kompjuter.

Musk ka pohuar se pajisja e Neuralink mund të përdoret për një sërë përdorimesh terapeutike, për të trajtuar kushte si verbëria, paraliza, depresioni. Ai ka thënë gjithashtu se qëllimi përfundimtar është të krijohet një “pajisje e përgjithshme e popullsisë” që mund të lidhë mendjen e një përdoruesi drejtpërdrejt me kompjuterët dhe t'i ndihmojë njerëzit të vazhdojnë me inteligjencën artificiale. Ai ka sugjeruar gjithashtu që pajisja mund të nxjerrë dhe ruajë përfundimisht mendimet, si "një makinë rezervë për qenien tuaj jofizike, shpirtin tuaj dixhital".

Çfarë është Neuralink?

Produkti që ka ndërtuar kjo kompani është një çip i vogël me qëllim instalimin në trurin e njeriut. Çipi Neuralink mund të përdoret për një sërë përdorimesh terapeutike, për të trajtuar kushte si verbëria, paraliza, depresioni. Produkti i Neuralink pritet të kurojë probleme mjekësore të rënda që teknologjia e sotme nuk ka arritur ti zgjidhë. Qëllimi final, sipas Musk, është simbioza me inteligjencën artificiale. Thënë ndryshe njeriu dhe Inteligjenca Artificiale të funksionojnë si një dhe i vetëm.

A është e sigurt?

Deri më tani, kompania "Neuralink" ka testuar çipat e saj në kafshë dhe së fundmi ka marrë një miratim për tu testuar te njerëzit. Miratimi i FDA-së vjen pasi rregullatori fillimisht refuzoi ofertën e mëparshme të Neuralink për provat klinike në 2022, duke përmendur "dhjetëra mangësi" që kompania duhej të adresonte përpara testimit njerëzor. 

Shqetësimet e sigurisë lidhen me baterinë e çipit, mbinxehjen e mundshme, pyetjet nëse telat e vegjël të makinës mund të migrojnë në pjesë të tjera të trurit dhe se pajisja nuk mund të hiqet pa dëmtuar indin e trurit. Është e paqartë se si u zgjidhën këto shqetësime. FDA nuk pranoi të komentojë në mënyrë specifike mbi procesin e aplikimit të Neuralink.

Njerëzit janë entuziastë për kurimin e sëmundjeve të rënda, por janë thellësisht skeptikë për aksesin që kjo kompani do të ketë në jetët e njërëzve nëpërmjet çipave. Ndërkohë, Musk ka thënë se e themeloi kompaninë kryesisht si përgjigje ndaj shqetësimeve se inteligjenca artificiale do të fitonte shumë pushtet mbi njerëzit. Pajisja Neuralink do t'i lejojë njerëzit të konkurrojnë me AI të re të ndjeshme, ka argumentuar Musk, duke thënë "Kam krijuar Neuralink posaçërisht për të trajtuar problemin e simbiozës së AI, i cili mendoj se është një kërcënim ekzistencial".

elon musk

Sondazh

Poll

MË SHUMË