Bota

Kurti: Kuptohet kur SHBA kërkon diçka për raportin tonë me Serbinë

Megjithatë sipas kreut të ekzekutivit kosovar duhet dalluar kur një emisar amerikan kërkon diçka që ka të bëjë më raportet e Kosovës me Serbinë. Kurti thotë se për diçka të tillë duhet të mendohet mirë dhe që Kosova të jetë e vëmendshme.

7 Qershor 2023, 19:24 Nga a.l
Kurti: Kuptohet kur SHBA kërkon diçka për raportin tonë me
Gabriel Escobar dhe Albin Kurti

KOSOVË- Kryeministri Albin Kurti ka folur sot për raportin e Kosovës me Shtetet e Bashkuara të Amerikës. Kurti ka thënë se kuptohet kur SHBA-ja i kërkon diçka Kosovës në aspektin e raporteve bilaterale, këtu ka marrë shembullin e refugjatëve afganë. Kurti thotë se pranimin e afro 2 mijë refugjatëve Kosova e ka bërë pa asnjë hezitim. 

Megjithatë sipas kreut të ekzekutivit kosovar duhet dalluar kur një emisar amerikan kërkon diçka që ka të bëjë më raportet e Kosovës me Serbinë. Kurti thotë se për diçka të tillë duhet të mendohet mirë dhe që Kosova të jetë e vëmendshme.

“Unë jam i bindur se do të mund t’i sqarojmë paqartësitë. Kemi sfida me emisarët edhe evropian edhe amerikan, por raportet tona bilaterale me SHBA dhe BE janë të shkëlqyeshme. Kur vjen emisari evropian apo amerikan si ndërmjetësues atëherë këtu nuk është ne pyetje Evropa apo Amerika, por është në pyetje raporti ynë me Serbinë. Dhe kjo natyrisht që s’është e njëjta gjë. Duhet ta dalloni kërkesën që na bënë Amerika psh për t’i pranuar refugjatët nga Afganistani, 1893 i kemi pranuar. Këtu s’kemi kurrfarë dilema. Kur SHBA në kuadër të raporteve bilaterale kërkojnë diçka prej neve ne s’kemi kurrfarë dilemash. Por kur emisari amerikan kërkon diçka që ka të bëjë në raportin tonë me Serbinë, ne duhet të mendojmë mirë, te jemi të vëmendshëm të kujdesshëm, por natyrisht gjithnjë te jemi bashkëbisedues e të përkushtuar” , ka deklaruar kryeministri. 

Tensionet në veri të Kosovës

Situata në veri të vendit është tensionuar nga 26 maji, kur Policia e Kosovës asistoi kryetarët e tri komunave veriore, Leposaviç, Zveçan dhe Zubin Potok, që të futen në zyret e tyre, përkundër rezistencës së serbëve lokalë. Situata u përshkallëzua më 29 maj, kur serbët lokalë u përplasën me ushtarët e KFOR-it të cilët ruanin objektet komunale. Atë ditë mbetën të lënduar 30 ushtarë të KFOR-it, 11 të kontingjentit italian dhe 19 të tjerë të kontingjentit hungarez. Faktori ndërkombëtar ka bërë thirrje të vazhdueshme për uljen e tensioneve tensioneve dhe, së fundi, disa kanë kërkuar mbajtjen e zgjedhjeve të reja në veri.

gabriel escobar albin kurti

Sondazh

Poll

MË SHUMË