Sport

Vajza e Maradonas sulmon presidentin e Napolit, De Laurentiis: “Po përfitoni nga dashuria e botës për babanë tim”

Vajza e Diego Maradonës, Dalma, ka sulmuar edhe një herë presidentin e Napolit, Aurelio de Laurentiis, duke e akuzuar atë se ka shfrytëzuar dashurinë e botës për legjendën argjentinase.

7 Qershor 2023, 12:51 Nga DOSJA
Vajza e Maradonas sulmon presidentin e Napolit, De Laurentiis: “Po

ITALI - Marrëdhënia e vajzës së Diego Maradonës, Dalmës, me presidentin e Napolit, Aurelio de Laurentiis, nuk është më e mira.

Këtë here, Dalma, e cila nuk mori pjesë në festën e kampionëve të Italisë, sulmoi ‘të fortin’ e Partenopeit, duke e akuzuar se ka shfrytëzuar dashurinë e botës për legjendën argjentinase për të nxjerrë fitime.

“Më ndaluat të hyja në stadiumin që mban emrin e babait tim, falënderoj nga zemra të gjithë napolitanët për dashurinë që treguan.

Turp për presidentin e klubit që më ndaloi hyrjen në stadiumin që mban mbiemrin tim. Unë nuk dua që ju të rreshtoni xhepat tuaj, duke përfituar nga dashuria e botës për babain tim.

Ka gjëra që nuk mund t'i blesh, nuk e di sa bukur është të ecësh nëpër Napoli dhe të ndjesh dashurinë dhe përqafimet e atyre që e donin babanë tim."

Kujtojmë se përballja e parë daton në dhjetor të vitit 2021, kur vajza e Maradonës kishte udhëtuar nga Argjentina në Napoli për të filmuar një dokumentar për nder të babait të saj dhe legjendës së futbollit.

Megjithatë, ajo nuk u lejua të hynte në stadium, ndërsa këshilli i qytetit ia mohoi hyrjen, pasi të huajt nuk lejoheshin të hynin në stadium të enjten dhe të premten dhe nuk kishte njeri që ta shoqëronte në fundjavë.

B.T (Dosja.al)

Sondazh

Poll

MË SHUMË